Shariif Xassan oo maanta ka baaqdsaday socdaal uu ugu ambabixi lahaa Gaalkacyo.

Gudoomiyaha barlamanaka dowlada federaalka KMG ah ee Soomaaliya Shariif Xassan Sheekh Aadan oo maanta oo khamista ah lagu waday in magaalada Gaalkacyo uu socdaal ku yimaado ayaa safarkiisii uu dib u dhacay ayadoo aan illaa iyo iminka aan shaaca laga qaadin sababaha rasmiga ah ee keenay in dib uu u dhaco.

Wararka la helayo ayaa sheegaya in gudoomiyaha barlamaanka ay soo food saareen shaqooyin aad u culus oo aan laga tagi karin ayado gudoomiyaha la sheegayo in Gaalkacyo uu tagi doono maalinta bari ah ama sabtida.

Gudoomiyaha barlamaanka ayaa iminka ku howlan sidii uu isugu soo dhaweyn lahaa xubnaha beelaha Digil iyo Mirifle gaar ahaan xubnaha ururka RRA-da.

Gudoomiyaha ayaa magaalada tan iyo markii uu soo gaaray Baydhabo waxa uu kulamo la lahaa madaxda ururka RRA-da ayadoo warar soo baxaya ay sheegayaan in gudoomiyaha uu in xoogaa ah isku soo dhaweeyey garabyada RRA-da ee kala irdheysan.

Maxamed Cadde.