Isbahaysiga la dagaalanka argagixisada ooo kulankii uguhoreeyey yeeshay ka dib dagaaladii uu la galay maxaakiimta.

Isbaheysiga la dagaalanka argagixisada iyo s celinta amaanka Muqdisho ayaa waxa ay dhawaajiyeen in ay la dagaalami doonaan shaqsiyaad ay tilmaameen in lagu soo tababaray dibada wadanka sida Afghanistan iyo Nin u dhashay wadanka Sudan oo ay sheegeen in uu ku dhuumaaleysanayo meel ka mid ah magaalada Muqdisho, ka dib kulan ay ku yeesheen xarunta Maxamed qanyare Afrax wasiirka amaanka qaranka uu ku leeyahay Degmada Deyniile ee magaalada Muqdisho.

Kulankan oo socday muddo saacado ah ahaana mid albaabada u xirnaayeen ayaa war saxaafadeed ay ka soo saareen hogaamiyaasha isbaheysiga la dagaaalanka argagixisada waxa ay ku sheegeen in 18- kii bishan dagaaladii ka dhacay magaalada Muqdisho ay ahaayeen kuwo ayaga lagu soo qaadey, iyagoo sheegay in ay ka soo horjeedaan isla markaana ay la dagaalami doonaan dadka shisheeyaha ah ee dambiyada ka soo galay dalalkii ay u dhasheen.

Waxa ay tibaaxeen in aysan ka soo horjeedin shaqsi ama qabiil laakiin ay beegsnayaan dad danbiyo soo galay isla markaana ay tagayaan goobkasta oo katisarn caasimadda Muqdisho oo ay ku dhuumaaleysanayaan shisheeyaasha.

Si kastaba ha ahaatee kulankan ayaa kii ugu horeeyey ee mas'uuliyiintya isbahaysigan ay isugu yimaadaan tan iyo markii lagu dhawaaqay isbahaysigan isla markaana dagaalada ay ka dhex qarxeen ciidamo isbahaysigan raacsan iyo maxaakiimta islaamiga ah.

Maxamed Cadde.
RSTV NEWSROOM