Xoghayaha guud ee u qaabilsan dalka isutaga Imaaraadka Carabta dhanka magaalooyinka Jaasim Mux’ed Darwiish ayaa sheegay dalkiisa in uu iskaashi dhinacyo badan ah la gelayo dalka Soomaaliya.

Masuulkaas ka tirsan dowladda isutaga Imaaraadka Carabta oo ku qaabilay xaruntiisa magaalada Abu Dhabi wafi ka socda dowladda fedaraalka kmg ah ee Soomaaliya oo uu hoggaaminayo wasiirka xanaanada Xoolaha Ibraahim Isxaaq ayaa sheegay dalkiisa in uu qorsheynayo iskaashi dhinacyada adeega bulshada ah in uu lagalo dalka Soomaaliya, waxa uuna tilmaamay labada dal in ay isdhaafsan doonaan macluumaad ku saabsan dhinaca cunada.

Wasiirka xanaanada xoolaha ee dowladda fedaraalka kmg ah ee Soomaaliya Ibraahim Isxaaq ayaa ka codsaday dalka Imaaraadka in ay ka taageereen dalkiisa dib u soo celinta hay’adihii qaranka ee burburay.

Wafdiga wasiirka xanaanada xoolaha ee kulanka la yeeshay masuuliyiinta dalka Imaaraadka Carabta ayaa waxaa kamid ahaa safiirka Soomaaliya u fadhiya dalka Imaaraadka Xuseen Max’ed Bilaal..

Maxamed Cadde.
RSTV NEWSROOM

Xigasho:Warbaahinta Imaaraadka Carabta.