Shirkaddii Imaaradka ee  Maamuli  lahayd Lixda Dekadood ee Markanka ku yaalla ayaa dib u dhigtey Heshiiskaasi.

sida lagu sheegey hadal qoraal ah oo ay Shirkadda Dubai Ports World ka soo saartey Magaalada Washington DC ayey shirkaddaasi ku sheegtey inay ay dib u dhigeyso la wareegiddii ay la wareegi laheyd lix Dakadood ah
oo ka mid ah Dakadaha waaweyn ee Mareykanka taasi oo ay shirkaddaasi dooneysey inay qabato dhamaan hawlaha Dakadahaas iyadoo mar hore ku guuleysatey qandaraas aad u weyn oo ay kula wareegaysey maamuladda dakadahaasi marka laga reebo dhinaca nabadgelyada oo ay gacanta ku hayn doonaan Ciidan ilaalada Xeebaha Mareykanka.

Shirkaddu waxay sheegtey in dib u dhigista heshiiskaasi ay ugu talagashay in ay siiso wakhti dheeraad ah Maamulka Mareykanka iyo Aqalka Cad si uu xal uga gaaro Mucaaradad xoogan oo lagala hor yimid heshiiskaasi iyadoo Xubno badan oo ka tirsan labada xisbi ee Mareykanka ugu waaweyn iyagoo Xbnahaasi sheegey in aysan Suurta gal ahayn in Dekadaha Mareykanka gacanta loo galiyo Shirkad Carbeed waxayna Muujiyeen in ay Cabsi weyn ka Qabaan in ay Argagixiso ku soo Dhuuman karto ama ay u sahli karto inay si fudud u soo galiyaan waddanka Mareykanka Hubka wax Gumaada.

Si kastaba ha ahaatee Muran weyn ayey keentey arrinta ku saabsan shaqada ay fulin laheyd Shirkaddaas laga leeyahay Dubai ee ku guuleysatey Qardaraaskan ku kacayey Malaayiinta Dollar.

Abdifatah M. Abdinur.
RSTV NEWS