Ra’isulwasaaraha KMG ah ee Soomaaliya Prof Cali Maxamed Geeddi ayaa maanta kulan isugu yeeray xubnaha labada gole ee dawlada federaalka KMG ah ee Soomaaliya si uu faahfaahin dheeraad ah uga siiyo safarkii isaga iyo wafdi uu hogaaminayey ay ku tageen magaalada Adis ababa ee caasimada wadanka Itoobiya.

Ra’isulwasaaraha oo kulankan shir gudoominayey ayaa waxaa loo diiday in saxaafada ay goob joog ka ahaato ayadoo saxaafada lagu amray in dibada ay ka joogto halka kalfadhiga xubnaha labada gole uu ka dhacayo ee xarunta dolwada ee magaalada Jowhar.

Ra’isulwasaaraha ayaa sheegay kulankaasi ka dib in xarunta dawlada federaalka KMG ah ee Soomaaliya ay tahay magaalada Jowhar laakiin kalfadhiga barlamaanka uu ka dhacayo magaalada Baydhabo ee xarunta gobolka Bay.

Hadalka ra’isulwasaaraha ayaa waxaa si weyn usoo dhaweeyey xubnaha labada gole ee halkaasi ku sugan ayadoo shacabka Soomaaliyeedna ay si weyn usoo dhaweeyeen hadalka ra’isulwasaaraha ayagoo ku tilmaamay mid horey ay u sugayeen.