Waxaa deegaanka Mareeroow oo ah meel waxyar uun u jirta degmada Qoryooleey ee gobalka Sh/Hoose lagu rasaaseeyay baabuur raashiin u sida dadka abaaruhu ay ku haleeleen meelo ka mid ah gobalka Sh/Hoose iyadoo is rasaaseyntaasina uu ku dhintay raggii ay jidgooyadu taalay deegaankaasi.

Israsaaseynta ayaa la sheegay inay ku bilaabatay iyadoo raga isbaarudu u taallo ay isku dayeen inay lacago baad ah ka qaataan rakaabkii iyo raashiinkii saarnaa gaarigaasi,waxaase ay labada dhinac is weydaarsadeen rasaas taasoo ugu dambeyna isbaaroleydii mid ka mid ah halkaasi ku geeriyooday.

Sida uu noo xaqiijiyay taliyaha ciidamada degmada Qoryooleey Mukhtaar Cali Maxamed,waxaa israsaaseyntu ay socotay in muddo ah ka dib markii la jiiray kooxihii ay isbaaradu deegaankaasi u taalay oo ugu dambeyntiina laga guuleystay.

Isbaaroleeyda ayaan innaba ka fekerin dhibaataada ay dadkoodu heyso meelo ka mid ah goballada Koonfureed ee dalka iyagoo wax dheef aduunyo oo lugooyana lagu tilmaamay ka raadinaya wixii Ilaahay uu ugu soo dhiibay dadka wax heysta,waxaana tallaabada guusha ah ee ay gaareen gawaarida raashiinka gargaarka ah u sida dadka tabaaleysan ay dhabaha u xaareysaa inaan markan wixii ka dambeeya dheg jalaq loo siin dhibaatada ay burcada wada jiifka ah ku hayaan dadka ku safraya meelo aysan aqoon.

Maxamed Cadde.
RSTV,Muqdisho.

Mcadde@rstvonline.com.