Iyadoo maalmihii ugu dambeeyay magaalada Muqdisho laga dareemayay isu xiisad dagaal oo ka dhex muuqata maleeshiyooyin ay kala taageeraan ganacsade Abuukar Cadaan iyo Waliba Bashiir Raage ayaa, hadana waxgaradka Soomaaliyeed oo ay ugu horeeyaan odayaasha dhaqanku ay dadaal ugu jiraan sidii colaadaasi loo qaboojin lahaa.

Nabadoon Shire Xaaji Dalfac oo saxaafadda la hadlayay ayaa waxaa uu sheegay inuu si weyn kaga xun yahay in colaad sokeeye uu arko muddo shan iyo toban sano ah ka dib oo lagu dhex jiray foowdo iyo dagaallo ahli ah oo aan haba yaraatee wax faa’iido ah laheyn.

Waxay inta badan sama jeclayaasha Soomaaliyeed dhinacyada colaadaha wada ugu baaqeen in sida ugu dhaqsiyaha badan loo joojiyo colaadaha.

Siyaasiga Cali Mahdi Maxamed oo mar Soomaaliya madaxweyne ka soo noqday ayaa la sheegay in arinta ka dhaxeysa Bashiir Raage iyo Sheekh Abuukar uu soo dhexgalay iyadoo la sheegayo Bashiir Raagana inuu diiday hub uu ku qabsaday dagaalkii ugu dambeeyay ee dhexmara maleeshiyooyin labada dhinac kala taageerayay,iyadoo la tilmaamay in xiisadda ay dib u soo cusboonaatana ay sabab u aheyd.

Maxamed Cadde.
RSTV,Muqdisho.

Mcadde@rstvonline.com.