Kulan ay Maanta Magaalada Gaalkacyo ku yeesheen Xubnaha Maamulka Golaha Deegaanka ee Magaalada ayaa waxay Cambaareeyeen Dagaalada ka jira Beryahan Deegaanka yamaarugle oo ka tirsan Dhulka ismaamulka Soomaalida ee Dalka itoobiya.

Gudoomiyaha Golaha Xuseen Jaamac Yabaq ayaa Sheegay in hadii ay yihiin Golaha Deegaanku ay ka xun yihiin Colaada udhexeyasa Beelaha walaalaha ah ee deegaanka wada degan,isagoo ku baaqay in la joojiyo dirirta lana wadahadlo.

Qoraal ay shirkaasi kadib soo wada saareen xubnaha Golaha Deegaanka Magaalada Gaalkacyo ayey ku sheegeen iney Baaqnabadeed Wadajir ah ujeedinayaan labada dhinac Iyagoo ku taliyey in Xabada la joojiyo si wadahadal loogu dhameeyo qilaafka jira.

Baaqa Maanta kasoo baxay Magaalada gaalkacyo ayaa kusoo aaday xili ay Maanta Degeneyd yamaarugle oo ah Goobtii Dagaaladu ay ka socdeen maalmihii Tegey waxaana Goobtaasi ka dhacay qasaare xoog leh oo ay dagaaladu Geysteen iyadoo la Sheegay iney dhimashadu ka badan tahay ilaa 80qof in kabadana ay ku dhaawacmeen Waxaana dhaawaca dadkaasi qaarkood la keenay degmooyinka Gaalkacyo,Caabudwaaq,Guriceel,iyo dhuusamareeb.

Maxamed Cadde
RSTV NEWSROOM.