Madaxweynaha dawlada KMG ah ee Soomaali C/laahi Yuusuf Axmed ayaa maanta gaaray magaalada jabuuti ee xarunta wadanka Jabuuti isaga iyo wafdi ballaaran uu horkacayey.

Madaxweynaha ayaa lagu soo waramayaa in socdaal gaaban uu kusoo maray magaalada Adis ababa ee xarunta wadanka Itoobiya halkaasi oo uu Zanawi kula kulmay.

Madaxweynaha Soomaaliya ayaa martiqaad ka helay madaxweynaha wadanka Jabuuti Ismaaciil Cumar Geelle xiligii ay sida wada jirka ahi ugu wada sugnaayeen magaalada Khartum ee xarunta wadanka Sudan halkaasi oo ay kaga qeyb galayeen kulanka madaxda Au-da.

Madaxweyne Yuusuf ayaa waxaa socdaalkiisa ku wehliya sida la sheegayo wasiiro dhowr ah oo uu k amid yahay Gacma dheere wasiirka horumarinta reer miyiga iyo daaqa iyo xildhibaano kale.

Waxaa la filayaa in madaxweynaha uu halkaasi kulamo kula qaato madaxweynaha wadanka Jabuuti iyo saraakiil xukuumadiisa ka tirsan ayadoo la sheegay in magaaladaasi laga yaabo inuu gaaro ra'isulwasaaraha xukuumada Soomaaliya si looga dhaadhiciyo in tanasul ka sameeyo hadal shalay uu ka jeediyey Jowhar oo dhaleeceyn duisha kaga tuuray gudoomiyaha barlamaanka.

Maxamed Cadde.
RSTV NEWSROOM