Gudiga gar gaarka Africa ee dalka Kuweyt ayaa bilaabay olole gar gaar lagu gaarsiinayo dadka dhibaatada ay ka soo gaartay abaarta ee ku dhaqan dalalka dhaca Bariga Africa.

Qoraal ka soo baxay gudigaan ayaa looga deyriyay xaalada nololeed ee dadkaasi oo la sheegay in ay ku nool yihiin xerooyin coosh cooshash ka sameysan taasi oo ay u sii dheertahay cuno la`aan kuwaas oo badankooda ku nool xadka Soomaaliya iyo Ithobiya iyo weliba hareeraha casimada Jabuuti.

Gudigaan ayaa tilmaamay in deegaanada abaaraha ay ka jiraan ay gaarsin doonaan gar gaar isugu jira Bur ,Bariis ,Sokor iyo Saliida

Gudigaan gar gaarka Africa ee dalka Kuweyt ayaa dhanka kale tilmaamay in ay jiraan dhibaatooyin ku aadan dhanka qeybinta gar gaarka iyda oo ay tusaale u soo qaateen wadooyinka oo ciriiri ah oo ay u sii dheertahay isbaarooyinka.

Xadka u dhexeeya Soomaaliya iyo Ithobiya ayaa waxaa ku yaal xerooyin qaxooti oo ay ku nool yihiin kumanaan qaxooti oo si aad ah u dhiobaateysan kuwaas oo wax yeela ka soo gaartay abaaraha ka jira Geeska Africa.

Maxamed Cadde.
RSTV NEWSROOM