Sidee ayey u arkaan Dadka Soomalida ah ee ku Nool Mareykanka  heshiiskii ay gaareen Madaxda dowladda Soomaaliyeed dhawaan.

Sida ay dad badani la socdaan waxaa Magaalada Sanca ee waddanka Yemen Lagu soo gabagabeeyey Shir u socdey Masuuliyiinta Soomalida ee ugu sarreysey Dowladdii lagu soo dhisey Kenya ku dhawaad Sannad iyo saddex bilood ka hor. Dowaladaas oo sidii looga filayey shaqo iyo waxqabad u kala guurtey laba Magaalo iyagoo qolaba qolada kale ay ku eedaysay inay Jabiyeen Axdi Qarameedkii la dhigtey, taasi oo isu baddashey in wax waliba ay istaagaan oo haba yaraatee wax shaqo guud ah oo dawladnimo aaney qabsoomin marka laga reebo Shirarka Caalamiga ah oo laga qeyb galo.

Waxaa kaloo iyana jirtey in Dacaayado iyo warar aan fiicneyn  la isu marin jirey warbaahinta taasoo keentey in la sii kala fogaado iyadoo waliba koox kasta  ay dadka ka raadsanaysey inay ka hesho taageero buuxda si ay uga adkaat kooxda kale. Si kastaba ha ahaatee waxaa jirey  dadaallo ay beesha Caalamku u galeen sidii meel la isugu keeni lahaa kala qeybsaanaanta dhexgashey Dowladda taasoo aan lagu guuldareystay marar badan.

Toddobaadkii hore ayey ahayd markii madaxda waddamada Somalia, Djibouti ,Sudan, Ethiopia ku shireen dalka Yemen shirkaasi markii uu dhamaadey ayaa waxaa sii Joogey Yemen Madaxweynaha Sopomaaliya Cabdullahi Yusuf, maalmo ka dib ayaa waxaa magalada Nairoobi oo uu ku sugnaa kasoo dhoofey Guddoomiyaha Barlamanka Somalia Sharif Xasan Iyadoo  uu Marti Qaadey Cali Cabdalla Saalax oo ah Hogaamiyaha Yemen. Si kastaba ha ahaatee waxaa halkasi ka dhacey wadahadallo dheer oo dhexmarey Madaxda Soomaalida Kaasi oo markii dambe laga Gaarey Heshiis Macna weyn ugu fadhiyey Umadda Soomaaliyeed oo aad ugu baahnaa inay helaan dowlad ay weheshadaan.

haddaba markii warbaahinta lagaa maqley in uu dhacey heshiiskaasi ayaa waxaa dadka Soomaaliyeed meel kastoo ay joogaan laga dareemayey rajo iyo niyad wanaag uu ku beeray heshiiskaasu  waxaan markaasi aan u kuur galney sida ay dadka ku nool Mareykanka ee Soomaalida ah ay u arkaan wixii lagu gaarey Cadan.

 waxaan la kulaney dad badan qaarna waxaan kula xiriirney Telefoonada waxaana dadkaasi markii la isku celceliyo  88% ay muujiyeeen inay aad ula dhacsan yihiin in madaxda Soomaaliyeed ay Gaaraan heshiis buuxa dadkii aan la kulanney waxay caddeeyeen in aaney jirin wax lagu doorsan karo Soomaaliya oo dowlad ah isla markaana nabad ah Ibraahin Barre oo ku nool Minneapolis ayaa yiri "inaan mar ku laabto dalkeygii oo nabad ah oo aan ka tago Qabowgan iyo Qurbaha waan jeclaan lahaa haddii uu heshiiskaasi dhaqan gal noqdana wey ii muuqataa inaan laaban doono" waxaan kale oo aan la hadley aanan weydiiyey sid uu u arko heshiiskaasi Oday Soomaaliyeed da'diisu aheyd qiyaastii 72jir laguna magacaabo Cilmi Maxamed Guure  wuxuuna yiri "way wanaagsanaan  lahayd haddii Soomaali oo dhan ay gacmaha is qabsato kuna faanto Calankii aan u soo dagaalannay ee noogu fadhiyey Qiimaha aadka u sarreeya in muddo ahna Dayaca ku jirey".

wiil isna wax ka  barta Magaalda Columbus ee Gobolka Ohio ayaa isaguna wuxuu yiri '" Haddii aan hawadii iyo Cimiladii Soomaaliyeed aan mar tagi lahaa iyadoo nabad ah wax weyn baan dareemi lahaa waanan ku farax sanahay heshiiskan iyo dowladnimada"

Isku soo wada duub oo dadka Soomaaliyeed Meel kasta oo ay joogaan waxay baahi weyn u qabaan  inay helaan Nabad Dowlad iyo Nolol ay ku noolaadaan halkiii ay yaqaaneen ee ay ku dhasheen kuna Dhaqmeen

waxaanan Allaha awoodda iska leh uga baryeynaa inuu dadka Soomaaliyeed Isku soo dumo Quluubtoodana isu Furo.

Xasan M.Xaaji
RSTVONLINE.COM