Madaxweynaha dalka Yemen caliCabdalla Saalix ayaa xiriirro la sameeyay madax sar sare oo ka tirsan Jamacddaa carabta,isagoo kala hadlay arrimaha dalka Soomaaliya .

Wakaaladda wararka ee dalka Yemen ee Saba news ayaa ku warrantay in ay jiraan dadaallo uu wado madaxweyne Saalix oo xiriirro dhinaca telefonka ah la sameeyay maddax dhowr ah oo ka tirsan jaamacadda carabta oo uuna kala wada hadlay arrimaha dalka Soomaaliya iyo sidii loogu guuleysan lahaa mel marinta dadaalada nabadeed ee dalka Soomaaliya .

Madaxweyne cali cabdalla Waxaa uu jaamacadda Carabta ka dalbaday inay qaado tallabooyin dheeraada oo ku wajahan tageeridda heshiiskii tariikhiga ahaa oo ay dhawaan magalada cadan ku garen madaxweynaha iyo guddoomiyaha baarlamanka Soomaaliya C/llahi yuusuf Axmed iyo Shariif xasan Sh Aaden.

Madaxweynaha dalka Yemen waxaa sidoo kale uu Jaamacadda Carabta weydiistay in ay si buuxda u gacan siiso dadaalada uu wado madaxweyne Yuusufka Soomaliya ee ku aadan maslaxadda dalka iyo dhiosmaha hey'adaha dowliga ah .

Sida ay qortay wakaaldda wararka dalka Yemen ee Saba News waxaa madaxweyne cabdalla uu Jamacadda carabta weydiistay in ay Soomaliya ka taagerto dhinaca maaliyadda ,islamarkaana ay melmariso go'aanadii ka soo baxay shirmadexeedkii Carbed ee ka dhacay magaalada Aljeris ee dalka Aljeria.

Madaxweyne Cabdallaha dalka yemen waxaa uu sheegy in haddi la tagero dowlada Soomaliya ay dowladda federalka ahi ku guuleysandoonto meel marinta dadaallada dib u dhiska dalka iyo nabad kusoo dabbaalida dalka Soomaliya kaddibmuddo 15 sanadood ah oo dagaallo sokeeye ay dalka halakeeyeen.

degenaashaha Soomaaliya ayuu sheegay madaxweynaha Saalax inuu faa'iido ugu jiro wadamada carabta iyo kuwa afrikankaban.