Wasiirada arrimaha dibadda dalalka ku jira Isbaheysiga Sanca ayaa waxaa ay soo saareen gebagebadii kulankii ay labadii maalmood ee la soo dhaafay ku yeehseen magaalada Sanca war murtiyeed ay ku mideysanyihiin,kaasi oo ay u gudbiyen madaxweynaha dalka Yemen Cali Cabdalla Saalix.

Isbaheysiga Sanca oo ay ku mideysanyihin dalaka Somaliya.Yemen.Ethopia,Djabouti, iyo Sudan ayaa waxaa ay dalab ugu direen Golaha Ammaanka ee QM in uu ka qado cuanaqabatda hubka ee muddo 14 sano ah saaran dalka Somaliya si markaasi laaga caawiyo dowladda FKMG ee Somaliya in ay dib u hanato sugnaanta iyo kala danbeytii dalka Somaliya,isla markaana ay xoojiso amniga guud ee dalka.

Isbaheysiga Sanaca waxaa uu ugu baaqay beesha Caalamka in ay uu taagero buuxa siiyo qorshaha amniga guud loogu soo dabaalayo Somaliya taasi oo ay haatan ku howlan tahay dowladda FKMG ,isla markaana ay soo diyaariyeen Urur goboleedka IGAD iyo Midowga Africa si loo soo celiyo amniga iyo sugnanta Somaliya.

Bayankii ay soo saareen Isbaheysiga Sanca waxaa sidoo kale baaq laagu jeediyay dowladaha deeqda Bixiya iyo hey'adaha ku shaqada leh arrimaha xuquuqda Aadanaha in taageero dadka ah ay la agaraan dadkii ku dhibaatoobay abaarihii ku dhiftay gobollada ku yaalla koofurta dalka Somaliya,iyagoo ku adkeeyay dowladaha deeqda bixiya in ay kasoo baxeen taageeradii ay ku ballanqaadeen in ay kaga qebqaadan doonaan dib u dhiska Somaliya.

Isbaheysiga Sanca waxaa uu ugu baaqay dhinacyada ku dagaalamaya magaalada Muqdisho in danahooda ay sara mariyeen tan guud ee dalka isla markaana ay dagalka joojiyaan hubkana iska dhigaan si taasi ay u suura galiso in beesha Caalamka ay Somaliya ka taageerto dib u dhiska iyo amni kusoo dabaalidda dalka Somaliya.

Isbaheysigu waxaa uu sheegay in cunaqabtafda hubka ee saaran Somaliya qaadisteeda ay u horseedi karto dowladda FKMG,Urur goboleedka IGAD,iyo Midowga Africa in ay qaadaan masuuliyadda ilaalinta amniga iyo kala danbeynta dalka Somaliya.

Waxaa sidoo kale Isbaheysiga Sanca uu ku sheegay bayaankiisa in dalalka ku jira Isbaheysiga ay iska kaashan doonaan sidii xad loogu yeeli lahaa hoWlaha burcad badeednimada iyo kuwa argagixiso ee ka jira badaha Somaliya iyo waliba kuwa gobolka kuwaasi oo ay ku jiraan qatarta ku wajahan gaadiidka Badda Caalamiga ah iyo kuwa ganacsiga gobolka iyagoo ka dalbaday beesha Caalamka in Isbaheysiga ay ka taageerto howlaha uu arrimahaasi ugu hortagi karo.

Ugu danbeytiina xubnaha Golaha Sanca waxaa ay carrabka ku adkeeyeen taageeradooda dowladda FKMG ee Somaliya,iyo dadaalada Baarlamaanka Somaliya uu ku doonayo sidii uu ugu dhisan lahaa mu'asasaatkii dowliga aaha iyo hey'adaha xagga amniga,iyagoo hoosta ka xarriqay sida ay lagama maarmaan u tahay in laga hortago cid waliba oo carqalad ku ah howlaha dib u dhiska iyo amni ku soo dabaalidda Somaliya.

Maxamed Cadde.
Xafiiska Muqdisho.
RSTV NEWSROOM

© RSTV 2006. All Rights Reserved