Safiirka Soomaaliya u fadhiya Qaahira oo ku eedeeyay Mareykanka in ay la shaqeyn waayeen dawladda kmg ah.

SafiirkaSoomaaliya u fadhiya dalka Masar  C/llaahi Xasan Maxamuud ayaa ku eedeeyay dawladda Madaxweyne Bushka Mareykanka in ay faragelin qaawan ku hayso arrimaha Soomaaliya, isla markaana ay la shaqeyn weysay dawladda sharciga ah ee ka jirta dalka soomaaliya.

Danjire Xasan ayaa hadalkaasi ka sheegay magaalada Qaahira, waxa uuna danjiruhu ku dhaliilay dawladaha Carabta in ay cidleeyeen walaalahooda islaamka ah oo dhibaato adag ay soo wajahday.

"dawladaha carabta wax mudnaan ah oo sidaa u buuran ma aynan siin dalka Soomaaliya, waxa ay ku eegteen shacabka Soomaaliyeed dhiabatada haysata “ayuu yiri safiirkaSoomaaliya oo intaa raaciyay ôwaxaa looga fadhiyaa in ay la shaqeeyaan dawladda Soomaaliya, isla mar ahaantaana shacabka Soomaaliyeed ay ka saacidaan dhinacyada siyaasada iyo dhaqaalaha”.

Safiirka Soomaaliya u fadhiya magaalada Qaahira  waxa uu carabka ku dhejiyay  in dawlad qura ay dabooli karto baahida dawladda Soomaaliya, isaga oo wax laga xumaado ku tilmaamay mowqifka dawladaha Carabta ay ka istaageen arrimaha Soomaaliya.

Maxamed Cadde.
Xafiiska Muqdisho.

© RSTV 2006. All Rights Reserved