|
Maxamed Dheere oo gawaari dagaal
soo dhoobay deegaanka Ceel Cirfiid oo ku yaalla duleedka Suuqa Xoolaha si ay
gacan u siiyeen maleeshiyada Botaan Ciise oo maanta jab xooggan loo geystay.
Maleeshiyaad daacad u ah guddoomiyaha gobolka Shabeellaha dhexe Maxamed
Dheere oo wata gawaarida dagaalka ayaa soo gaaray degmada Balcad, halkaasi
ee uu ka taliyo wasiirka ganacsiga.
Maleeshiyaadkan ayaa ku biiray kuwa kale oo daacad u ah Muuse Suudi iyo
kuwii firxadka ahaa ee ka cararay deegaanka Suuqa Xoolaha, waxa ayna
qorsheynayaan duulaan in ay ku soo qaadaan maleeshiyaadka maxkamadaha
islaamiga ee ku sugan deegaanka Darmoole.
Goob jooge ku sugan degmada Balcad ayaa saxaafada u sheegay in
maleeshiyaadkaasi ay kasoo dhaqaaqeen degmada Balcad, ayaga oo u soo
baqoolay dhanka deegaanka Ceel Cirfeed oo ay difaac uga jiraan
maleeshiyaadka isbahaysiga ee kasoo cararay deegaanka Darmoole.
Dadka ku dhaqan deegaanada hoos taga degmada Balcad ayaa walaac ka
muujiyay colaada ka aloosan deegaanadooda, ayaga oo ka baqaya in mar kale
dagaal uu ka dhaco deegaanka Darmoole.
Maxamed Cadde.
Xafiiska Muqdisho.
© RSTV 2006. All Rights Reserved |
