Hay’ada ICG (International Crises Group () ayaa xaqiijisay in dawladda Mareykanka ay faraha kula jirto arrimaha Soomaaliya tan iyo wixii ka danbeeyay weeraradii 11kii September ee sanadii 2001da.

Masuul sare oo ka tirsan hay’ada ICG oo lagu magacaabo John Prendergast ayaa sheegay in dawladda Mareykanka ay taageero dhaqaale u fidiso dagaal oogayaal Soomaaliyeed oo ay u adeegsanayso in ay u soo gacan galiyaan shaqsiyaad lagu tuhunsan yihiin in ay ka tirsan yihiin ururka Alqaacida oo looga shaki qabo gudaha Soomaaliya.

"dawladda Mareykanka waxa ay qarash ku faraqdaa dagaal oogayaal Soomaaliyeed, kuwaasi oo ka saacidaya soo qabashada shaqsiyaad looga shaki qabo in ay ka tirsan yihiin ururada argagixisada, waana arrin xeelad dheer oo shabahda dagaalkii qabooba amaba ka sii daran “ayuu yiri Mr Prendergast oo intaa ku daray ôhub masiiyaan laakin waxa ay ku faraqaan lacag kaash ah taasi ayaana uga sahlan. waxa ayna taasi banziin ku sii daraysaa xiisadahii ka aloosnaa dalka Soomaaliya”.

Hay’ada ICG waxa ay sidoo kale xustay in hogaamiye kooxeedka Maxamed Dheere uu gacanta u geliyay dalka Mareykanka nin magaciisa lagu sheegay Suleyman Axmed Xamid Salim oo looga shakisnaa in uu la shaqeeyo argagixisada, waxaana ninkaasi laga afduubtay cusbitalka Keysaney ee magaalada Muqdisho sanadkii 2003da.

Hay’adu waxa ay walaac ka muujisay dhaq dhaqaaqyada dawladda Mareykanka ay ka wado gudaha Soomaaliya, ayada oo hay’ada CIA-da aysan sheegin in dalkaasi ay joogaan shaqsiyaad khatar weyn ku ah danaha dalka Mareykanka, waxa ayna hay’adu ay xustay in saldhiga ciidamada Mareykanka ay ka sameysteen dalka Jabuuti lagu bixiyay qarash gaaraya $100 milyan oo doolar, taasi oo qeyb ka ah olalaha la dagaalanka argagixisada.

Maxamed Cadde.
Xafiiska Muqdisho.
 

© RSTV 2006. All Rights Reserved