Dagaalo xoogan ayaa waxaa ay ka qarxeen meelo kala duwan oo katirsan magaalada Muqdisho ee caasimadda dalka Somaliya,iyadoo dagaaladaasina ay u dhexeeyaan maleeshiyaadka maxaakiimta Islaamiga ah iyo kuwa Isbaheysiga la dagaalama Argagixisada.

Dagaalkii u qaraaraa ayaa saakay waxaa uu ka qarxay agagaarka KM5 ilaa No4 iyadoo halkaasi laga maqalayay rasaasta cul culus iyo madaafiic waaweyn oo dagaalka la isu adeegasanayay.

Dagaalka ayaa la sheegay in uu kadanbeeyay markii maleeshiyaadka Isbaheysiga la dagaalanka Argagixsada ay weerareen fariisimo meelo kala duwan ay ku leeyihiin ciidamada Maxkamadaha oo ku yaala deegaanada Taleex ilaa KM5.

Waxaa dadka deegaankaasi ay bilaabeen in ay kasoo qaxeen gurayahaoosa iyadoo dagaalku uu sii xoogeystay maanta barqadii kadib amrkii sida ay sheegayaan warar lagu kalsoonyahay labada dhinac ay soo kala gaareen gurmad dagaal.

Waxaa maleeshiyaadka Isbaheysiga oo ay taageerayaan gawaarida dagaalak oo kor u dhaafeysa 50 ay saakay weerar culus ku kadiyeen Maxkamadda Al Furqaan ee ku dhow Tarbuunka,iyadoo halkaasi dagaal saacado qaatay uu ka soconayay.

Ugu yaraan waxaa warar lagu kasloonyahay ay sheegayaan in dagaalka ay ku nafwaayeen 25 qof oo rayid ah,kuwaasi oo ku nafwaayay hoobiyayaal habow ah oo kusoo dhacay goobo ganacsi oo ku yaalla xaafaddaha KPP,Taleex iyo Zoobe ee KM5.

Cusbitaalka Madiina ayaa tan iyo markii maanta dagaalada ay dhacen waxaa la dhigay 60 qof oo rayid ah oo soo dhaawacmay ,ayadoo cusbitaalka naftiisa la sheegayo inuu ku dhintay hal ruux 2 kalena ay ku dhaawacmeen ka dib markii hoobiye habow ah uu kusoo dhacay.

Maxamed Cadde.
Xafiiska Muqdisho.

© RSTV 2006. All Rights Reserved