Rasaata nuucyadeeda kala duawan ayaa maanta waxaa ay iska qabsatay deegaanada woqooyi iyo kooofur ee maagalada muqdisho,kadib markii ay afarah is saareen maleeshiyaadka maxkamadaha iyo kuwa Isbaheysiga oo maalmihii lasoo dhaafay lagu kala hayay magaalada Muqdisho.

Sida ay ku waramayaan ilo xog ogaal ah oo ku sugan deegaanka Habar Gaalo ee Xaliima hiite oo ku dhaw Galgalto,waxaa maleeshiyaad ka kala amar qaata wasiirka ganacsiga Xaaji Muuse iyo guddoomiyaha maamulka Siyaasadda gobolka sh/Dhexe ay weerar ku qaadeen fariisimihii dhawaan halkaasi ay ka asmeysteen ciidamo ka amar qaata ganacasade Xaaji abuukar cadaan oo xiriir la leh Maxkamadaha Muqdisho.

Madaafiicda waaweyn ayaa la isu adeegsanay dagaalka iyadoo ilaa haatn aan la xaqiijin karin qaasaraha dhabta ah ee dagaalka ka dhashay,hayeeshee dad iyaga kasoo qaxay goobta dagaalka oo aan kula kulmay mid kamid ah isgoysyada magaalada Muqdisho ayaa axqiijiyay in ay jireen madaafic habow ah oo kusoo dhacady guryo dad rayid ah ay deganaayeen.

Deegaanka galgalato ayaa waxaa la xusuutaa in bishii march 22-keedii dagaalo xoogan uu ku dhex maray maleeshiyaadka Maxaakiimta iyo kuwa Isbaheysiga iyadoo halkaasi Iasbaheysiga looga qabsaday dhul uu ku jiro agroon diyaarad iyo saanadi milatari oo loosoo bandhigay xilligaasi saxaafadda magaalada Muqdisho.

Waxaa layaab leh waxa isku soo beegay in dagaalo hal mar ay ka kala qarxaan koofur iyo woqooyi Muqdisho,xilli dagalkii Sii Sii isagana sidiisii uu u taaganyahay.

Maxamed Cadde.
Xafiiska Muqdisho.

© RSTV 2006. All Rights Reserved