RSTV NEWS...Barre Hiiraale iyo wafdi uu hogaaminayo oo maanta gaaray magaalada Baydhabo ee xarunta DFKMG ah ee Soomaaliya.

Barre Hiiraale iyo wafdi uu hogaaminayo oo maanta gaaray magaalada Baydhabo ee xarunta DFKMG ah ee Soomaaliya.

Wasiirka Dib u dhiska iyo dib u dajinta dowlada federaaka soomaaliya Col. Barre Hiiraale iyo wafdi uu hogaaminayo oo maanta gaaray magaalada baydhabo.

Wafdigaan oo uu hogaaminayay wasiirka dib u dhiska iyo dib u dajinta Dowlada federaalka soomaaliya Col. Barrre Aadan Shire (Barre Hiiraale)ayaa waxaa si wayn garoonka diyaaradaha ee magaalada baydhabo ugu soo dhaweeyay Qaar kamid ah xubnaha labada gole ee dowlada federaalka soomaaliya ee halkaasi ku sugan.

Barre Hiiraale ayaa waxaa uu ka mid ahaa hogaamiyayaasha hubaysan ee aanan wali ka qayb galin kulanka baarlamanka federaalka soomaaliya ee ka socanaya magaalada baydhabo, isla markaana ka mid ahaa wasiiradii looga yeeray magaalada baydhabo in ay mudo 7cisha ah ku yimaadaan magaaladaasi.

Si kastaba ha ahaatee wasiirka Dib u dhiska iyo dib u dajinta dowlada federaalka soomaaliya Col. Barre Hiiraale tagitaankiisa magaalada baydhabo ayaa waxaa uu ku soo beegmayaa xili mudo 7 maalmood oo kale loo qabtay Xubnaha wasiirada ah ee ku sugan magaalada muqdisho isla markaana ka qayb qaadanaya dagaalada wali ka socanaya caasimada soomaaliya ee muqdisho.

Maxamed Cadde.
Xafiiska Muqdisho.