Qaar kamid ah culaam'udiinka gobolada Bay iyo bakool iyo waxgardka aya waxa wal wal xoogan ay ka muujiyeen in magaalada baydhabo hooy ay u noqoto maleeshiyado ka amar qaata wasiirka hub ka dhigista Bootaan Ciise Caali oo shalay gaaray magaalada Baydhabo.

Sh.Muqtaar Robow oo loo yaqaano Abuu Mansuur ayaa sheegay in aysan raali ka aheyn in magaalada Baydhabo ay joogaan maleeshiyaadk gumad kasoo geystay magaalada Muqdisho,isla markaana gaalo lasoo heshiiyay sida uu sheeku sheegay.

''Maleeshiyada hadda joogta Baydhabo hore ayey Xasuuq uga geysteen gobolada Bay iyo Bakool,iyagoo magacyo kale sita,hadda waxaa ay dhibaato u geysteen dad maato ah oo ku sugan magaalada madaxdii dalka ee Muqdisho''.

Sh.Muqtar Roobow waxaa uu intaasi raaciyay in maleeshiyaadka soo garay Baydhabo aan laga laheyn magaalada balse waa hadii ay ka laabtaan shaqad hadda ay iksu magaacabeen in ay hayaan isla markaana ay Ilahey u towbad keenaan.

Waxaa Sh.Muqtaar uu sheegay in soo dhaweyntii qaar katirsan dadka kasoo jeeda gobolada Bay iyo Bakool ee maleeshiyadkiisa aysan wax weyn ku dhisneyn isla markaana dadka reer Digil iyo Mirifle ay meel kaga soo wada jedaan cidkasta oo dhibaato usoo jiidi karta gobollada Bay iyo Bakool.

Sidoo kale masuuliyiin katirsan amniga gobolka Bay ayaa waxaa walaac xoogan ay ka muujiyeen gaarista maleeshiyaadkaasi ee Baydhao waxaana masuuliyiintiisa ay sheegeen in ay cabsi ka qabaan in magaalada Baydhabo lagusoo daba galo ciidankaasi.

Hore ayaa masuuliyiin katirsna dowladda Federaalka ee ku sugan Baydhabo waxaa ay u shaaciyeen in yasa raai ka aheyn in madax ka tirsan wasiirada hubeysan ee dagaalada ka wada Muqdisho ay soo gaaraan gobollada Bay iyo Bakool.

Maxamed Cadde.
Xafiiska Muqdisho.

© RSTV 2006. All Rights Reserved