RSTV NEWS.

Haweenka Soomaaliyeed iyo Fanaaniinta Ottawa oo xaflad u sameeyey Fannaanadda weyn ee Hibo Nuura.

Haweenka iyo Fanaaniinta ku nool magaalada Ottawa ee waddanka Canada ayaa dhawaan waxaa ay xaflad weyn oo soo dhaweyn iyo marti qaad ah ay sameeyeen Fannaanadda Caanka ah ee Soomaaliyeed Hibo Maxamed Hibo Nuura oo socdaal ku tagtey wadanka Canada.

Xafladdaas oo si weyn loo soo agaasimay waxaa isku soo dubbarida Dadka Soomaaliyeed ee magaaladaas deggan gaar ahaan Fanaaniinta iyo Haweenka ku nool Magaaladaas, waxaana halkaas lagu soo bandhigey Ciyaaro, Heeso, iyo Suugaan kala duwan oo ay soo diyaariyeen dadkii Xafladdaas kasoo qeyb galey.

Iyadoo aan la soo koobi karin dadkii Munaasabadaas ka soo qeyb galey ayaa waxaan ka xusi karnaa fanaaniinta ay ka mid yihiin Khadiija Cabdullahi Daleys, Faadumo Cali Nakruuma ,Deeqa Ahmed iyo koox Muusikada garaacda oo uu kamid ahaa Wiilka Muusikada Caanka ku ah ee la yiraahdo Saleebaan Uurdoox.

Xafladdaas ayaa waxey aheyd mid runtii ay ka muuqatey dadkii soo habeeyey sida ay ugu faraxcsan yihiin Imaatinka ay magaaladooda timid Hibo Nura oo aysan arag wakhti dheer, iyadoo Heesihii iyo Suugaantii halkaas laga qaadey ay ku cabbirayeen xiisaha iyo hilowga ay u qabeen Fanaanadooda aysan muddada arkin.

Isku soo wada duuboo waxaa halkaasi ka dhacey damaashaad aad u weyn oo ay ka muuqatey sida ay isu jecel yihin guud ahaan dumarka Soomaaliyeed gaar ahaanna Fanaaniinta oo iyagu ku kala baahay dacallada Dunida iyagoo dagaaladii waddanka ka dhacey dartood qaarba waddan kale ay magan galyo ugu noolaayeen muddo dheer.

RSTV NEWSROOM
OTTAWA, CANADA