Wararka ka imaanaya gobolka Gedo ayaa sheegaya in deegaano hoos taga gobolka uu xalay ka curtay roobka Guga, kaasoo ay u hamuun qabeen dadka ku dhaqan gobolka Gedo oo ay halakeesay abaaro horay u martay dadka iyo duunyada.

Roobabkan mahiigaanka ah oo biyo dhigay dhowr deegaan oo ka tirsan gobolka ayaa waxaa la sheegay in ay ka da'een toolooyin ay ka mid tahay Fafacdhuun, ayadoo dadka ku nool gobolka ay si weyn ugu diirsadeen.

Roobabka Guga ayaa waxa ay sidoo kale shalay ka curteen deegaano hoos taga gobolka Bakool oo isagana laga soo sheegayo abaaro aad u daran oo salfaday dadka iyo duunyada.

Roobabka Guga ayaa horay uga curtay qeybo ka mid ah Jubooyinka oo ayagana ay kajirto abaar daran.

Roobabkan oo qeyb libaax ka qaadanaya samata bixinta dadka iyo duunyada ee ku tabaalaysan guud ahaan koonfurta Soomaaliya oo ay ku tabaalaysan ku dhawaad 2 milyan oo ruux.

Todabaadkii hore ayay ahayd markii haya'ada QM u qaabilsan dhinaca cunnada iyo beeraha (FAO) ay ka digtay in bil kasto ay macluul darteed ay ugu dhiman doonaan dalka Soomaaliya ilaa 10,000 oo ruux, haddii aan gurmad deg deg ah la la gaarin dadkaas.

Maxamed Cadde.
RSTV NEWSROOM
MOGADISHU

© RSTV 2006. All Rights Reserved