Kulankan golaha wasiirada dawlada federaalka KMG ah ee Soomaaliya ay ku yeesheen magaalada Baydhabo ee xarunta gobolka Bay ayaa waxaa lagu soo bandhigey qorshe 12 kun oo askari dowlada ay ku qoranayso kuwaasi oo qeyb weyn ka qaata nabad kusoo dabaalida Soomaaliya ayadoo ciidamadaasina qaab beeleed lagu soo xulayo.

Wasiirka gaashaandhiga dawlada federaalka KMG ah ee Soomaaliya C/raxmaan Maxamed Cali ayaa kulankaasi kusoo badnhigay qorshayaal amniga qaranka lagu sugayo isla markaana lagu howlgalinayo ciidamadii qaranka si amaanka dalka dib loogu soo celiyo.

Ra'iisal wasaare ku xigeenka dowlada federaalka ahna wasiirka iskaashiga gobolada Ismaaciil Maxamuud Hure Buubaa ayaa kulankaasi ka dib saxaafada u sheegay in wasiirka gaashaandhiga uu soo bandhigay qorshe amaanka dalka dib loogus oo celinayo ayadoo dowlada ay qoranayso 12 askaro oo beelaha afarta ahi mid waliba kaga soo aadaya 2,666 halka beesha shanaad la siinayo 1333 oo askaro.

Sidoo kale kulankii maanta ayaa warbixino looga dhagaystay wasiirka cadaalada dawlada federaalka Sheekh Aadan Madoobe iyo xildhibaan Maxamed Ibraahim Xaabsade warbixin la xiriirta xaalada amaan ee gobolka Bay oo maalimihii lasoo dhaafay u muuqday mid faraha kasii baxaya waxaana labadan mas'uul ay golaha wasiirada u sheegeen in xaalada amaan ee Bay ay soo hagaagayso isla markaana maleeshiyooyinkii hubeysnaa dib magaalada looga saaray ayadoo lagu celiyey xeradii markii hore ay kasoo baxeen ee Daynuunay.

Maxamed Cadde.
Mogadishu

© RSTV 2006. All Rights Reserved