Wasiirku xigeenka wasaarada warfaafinta ee Dawladda federaalka Soomaaliya Salaad Cali Jeele ayaa Maanta sheegay in Gobolada Waqooyi ee lamagacbaxay Soomaaliland ay ku jiraan Gobolada ay dawlada Federaalku Maamulo usameyn doonto isagoo Gaashaanka ku dhiftay in Maamulka Daahir Rayaale ay yihiin Xukuumad Gooni la ictiraafsan yahay.

Wasiirkuxigeenka oo Maanta hadalkan jeediyey markii uu dhamaaday kulankii Golaha Wasiirada ayaa intaasi ku daray inaaney jirin wax la yiraahdo Gooni isutaag balse uu jiri karo Maamul jiray intii ay Soomaaliya dawlad la,aanta aheyd.

''Majirto cid aqoonsatay Maamulka waqooyi ka jira waxayna hoos yimaadiin Jamhuuriyada Soomaaliya ,hade xukuumadu waxay soo dhisi doontaa Maamul ku saleysan rabitaanka Shacabka degan Gobol waliba iyaga ayaana soo dooran doona Hogaanka Gobolkooda''ayuuyiri Salaad Jeele oo Cadeeyey in Xeerka Maamulka Gobolada ay Wasiirada Xukuumadu wadaan dhawaana loo gudbin doono Golaha Baarlamaanka.

Mr Salaad ayaa sidoo kale qirtay inaaney Xukuumadu Gacanta kuwada heynin gobolada dalka oo dhan isagoo arintaana ku tilmaamay mid Culeyskeeda leh dhalisayna inuu dheeraado Kulanka Golaha wasiiradu ay kaga doodayaan arinta Maamulo loo dhiso Gobolada dalka.

Maxamed Cadde.
Xafiiska Muqdisho.
RSTV NEWSROOM

© RSTV 2006. All Rights Reserved