RSTV NEWS.Maleeshiyooyinka xaafada Barmuuda gacanta ku haya oo sheegay in waddada Maka Almukaramah aysan adeegsan karin ciidamada isbahaysiga la dagaalanka argagixisada.

Maleeshiyooyinka xaafada Barmuuda gacanta ku haya oo sheegay in waddada Maka Almukaramah aysan adeegsan karin ciidamada isbahaysiga la dagaalanka argagixisada.

Maleeshiyooyin horey uga mid ahayd ciidamada wasiirka ganacsiga dowlada federaalka kmg ah ee Soomaaliya oo ku sugan xaafada Barmuuda ee degmada Hodan ayaa maanta ku dhawaaqay in wadada hormarta wadada caanka ah ee Makka Almukaraman aysan adeegsan karin ciidamada isbahaysiga la baxay la dagaalanka argagixisada . Maleeshiyooyinkan ku sugan xaafada Barmuuda ee degmada Hodan ayaa sheegay in wadadaasi in aysan ahayn waddo u furan ciidamada isbahaysiga waxaana ay sheegeen in ay ka hortagayaan haddi maleeshiyooyinka isbahaysigaasi ay isku dayaan in awood ay ku maraan.

Hadalka kasoo baxay maleeshiyooyinkan deegaanka ayaa yimid ka gadaal markii maanta iska hor imaad uu ka dhacay xaafadaasi gaar ahaan wadada hormarta guriga shaqaalaha kaasi oo u dhaxeeyey maleeshiyooyinka deegaanka iyo gaari oo dagaal oo la sheegay in ay lahaayeen xubnaha isbahaysiga la baxay la dagaalanka argagixisada.

Maleeshiyooyinkan ayaa ku sheegay tallaabta wadadan ay u xiraan in la xiriirto balan ka bax uu ku sameeyey isbahaysiga la dagaalanka argagixisada ayagoo sheegay in isbahaysiga ay ku sugayeen dhaqaale laakiinse uu ku wargeliyey goor danbe inuusanba wax u ahayn.

Tallaabtan maleeshiyooyinkan ay uga xireen wadada ay gacanta ku hayaan ayaa qeyb ka ah tallaabooyin dhowr ah oo Muqdisho ka socda oo la doonayo in lagu cunaqabateeyo isbahaysiga sheegtay inuu argagixisada la dagaalamayo.

Maxamed Cadde.
Xafiiska Muqdisho.