Gudoomiyaha gobolka Shabeelaha dhexe Maxamed Cumar Xabeeb (Maxamed Dheere) ayaa maanta ka duulay garoonka dayaaradaha magaalada Jowhar ee xarunta dowlada kmg ah ee Soomaaliya isagoo gaaray magaalada Nairobi ee xarunta dalka Kenya halkaasi oo ay horey ugu sugnaayeen mas’uuliyiinta ugu sareysa ee dawlada federaalka KMG ah ee Soomaaliya

Maxamed Dheere ayaa marka uu gaaro magaalada Nairobi waxaa la filayaa inuu kulamo dheer kula qaato mas’uuliyiinta ugu sareysa ee dawlada federaalka KMG ah ee Soomaaliya ..

Gudoomiyaha gobolka Shabeelaha dhexe Maxamed Cumar Xabeeb (Maxamed Dheere) oo todobaadkan horaantiisii magaalada Adis ababa ee xarunta wadanka Itoobiya heshiisyo kula soo saxiixday ra’iisalwasaaraha dawlada KMG ee Soomaaliya Cali Maxamed Geedi ayaa hogaamiyaasha dawlada u muujin doona in laga gudbay qilaafaadkii maalmihii ugu danbeeyey soo kala dhex galay.

Maxamed Dheere ayaa la sheegayaa inuu si gaar ah kulamo ula qaadan madaxweynaha dawlada KMG ah ee Soomaaliya C/laahi Yuusuf Axmed uu oo horey ugu eedeeyey inuu ku takri falayo awooda dawlada kmg ah.

Si kastaba ha ahaatee u kicitimada Maxamed Dheere ee Nairobi ayaa kusoo beegantay xili hogaamiyaasha ugu sareysa ee dawlada kmg ah ee Soomaaliya ay isugu urureen magaalada Nairobi si ay xal uga gaaraan halka dawladda ay ku shaqeynayso

Maxamed Cadde.
RSTV NEWSROOM
MOGADISHU

© RSTV 2006. All Rights Reserved