Masuul katirsan waaxda aarrimha badda ee dowladda dalka Kenya ayaa shaaca ka qaaday in burcad badeed Somali ah ay dooni ku qafaasheen xeebaha magaalada Baraawe .

Masuul lagu magcaabo Andrew Mowangara oo xubin ka ah urur dowladda Kenya u qaabilsan arrimaha badaha ayaa xaqiijiyay afduubka doonidaasi isagoo sheegay in burcad badeed somali ah ay doonidaasi ku qafaasheen meel ku dhow xeebta magaalada kismaayo.

Doonidaasi oo magaceeda lagu sheegay Kismayo-Bound ayaa maalintii khamiistii waxaa lagu afduubtay meel u dhexeysa degamda Baraawe iyo magaalada kismaayo,markasi kadib warar soo baxay ayaa sheegay in doonidaasi loola baxsaday dhakaa iyo xeebaha degmada Xarardheere oo la sheego in ay ku badanyihiin kooxaha howlaha burcad badeednimada ka fuliya gudaha xeebaha dalka somaliya.

Mr Mowangare waxaa uu sheegay in doonidaasi burcad badeed Somali ah ay rassaas oodda kaga qaadeen kahor intii aysan afduuban waxaana uu ka gaabsaday in uu sheego haddii shaqaalaha doonida saarnaa ay waxyeelo kasoo gaartay rassaasta.

Wakaaladda wararka u faafisa dalka Britain ee Reuters ayaa ku warantay in burcad badeedda Somalida ay doonidaasi u kaxeysteen deegaanka gaan oo katirsan degmada Xarardheere halkaasi oo haatan lagu hayo doonidaasi.

Mr Mowangaara waxaa intaasi uu raaciyay in shaqaalaha markabkaasi uusan xaqiijin karin xaaladdoda balse waxaa uu cadeeyay in qaarkood ay kasoo jedaan dalka Indonesia.

Afduubyada doomaha shisheeyaha ayaa xeebbaha dalka somaliya waxaa uu ka noqday falal caado ah iyadoo ay jiraan dadaalo ay dowladda FKMG ku dooneyso sidii dalalka caalamka ay kaga kaashan laheyd yareynta khatarada lagasoo sheegayo xeebaha dalka Somaliya.

Maxamed Cadde.
Xafiiska Muqdisho.
RSTV NEWSROOM

© RSTV 2006. All Rights Reserved