RSTV NEWS.Iska hor imaad dad ay ku dhinteen oo maanta ka dhacay magaalada Kismayo.

Iska hor imaad dad ay ku dhinteen oo maanta ka dhacay magaalada Kismayo.

1 qof ayaa ku geeriyooday 3 kalena dhaawacyo ayaa kasoo gaaray is rasaaseyn maanta ka dhacday magaalada Kismaayo, taasoo u dhaxeysay ciidanka booliska magaalada iyo maleeshiyooyin hubaysan. Is rasaaseyntan maanta ka dhacday suuqa Dalcada ee bartamaha Kismaayo ayaa waxaa lagu soo warrmayaa qofka ku geeriyooday in ay ahayd haweeney mehrad ganacsi ku haysatay suuqaas, ayadoo 3da kale ee ku dhaawacantayna la dhigay cusbitalka guud ee magaalada Kismaayo.

Afhayeenka isbahaysiga dooxada Jubba Bile Dheere oo la hadlay saxaafada shilkaas kadib ayaa carabka ku dhuftay in ciidanka booliska magaalada ay sara u qaadi doonaan howl gallada ammaanka lagu sugayo oo ay ka wadaan xaafadaha magaalada Kismaayo oo maalmahan laga dareemay ammaan darro xoogan.

Bile Dheere waxa uu intaa ku daray falkii maanta ka dhacay suuqa Dalcada in uu ahaa mid aan loo dulqaadan karin, waxa uuna xusay in ay gacan bir ah kuqaban doonaan maleeshiyooyinka qal qalka gelinaya amaanka magaalada. Dhanka kale waxaa maanta magaalada kismaayo tababar dhinaca anshaxa iyo la dhaqanka bulshada uu uga furmay booliska magaalada Kismaayo, kaasoo sare loogu qaadayo heerka aqooneed ee booliska oo looga fadhiyo howlo baaxad leh oo dhinaca ammaanka ah in ay ka qabtaan magaalada Kismaayo.

Maxamed Cadde.
RSTV NEWSROOM
MOGADISHU