Wasiirka dib u dejinta iyo dib u dhiska ee dowlada federaalka kmg ah ee Soomaaliya ayaa maanta kulan kula qaatay magaalada Kismayo mas'uuliyiinta isbahaysiga dooxada Jubba iyo ugaaska beesha Sade si loo soo afjaro xiisadii dhex martay gudoomiyaha magaalada Kismayo iy o ku xigeenadiisa.

Bare Hiiraale ayaa xarunta degmada Kismayo waxa uu kaga dhawaaqay in maanta wixii ka danbeeya uu gudoomiyihii degmada Kismayo iyo ku xigeenadiisa ay shaqada dib ugu soo laabteen isla markaana la xaliyey qilaafkii ka dhacay xarunta degmada.

Hadalka Hirale ayaa kusoo beegmay ka dib markii 16 maalmood ay xabsiga ku jireen gudoomiyaha degmada Kismayo iyo ku xigeenadiisa kuwaasi oo xabsiga la dhigay ka gadaal markii ay gudaha magaalada isku rasaaseeyeen.

Hadalka Hiiraale ayaa soo afjaraya qilaaf gacan ka hadal sababay oo ay ku dhinteen 3 qof oo dhex maray gudoomiyaha dgemada Kismayo iyo ku xigeenkiisa dhinaca amaanka.

Maxamed Cadde
RSTV NEWSROOM
MOGADISHU

© RSTV 2006. All Rights Reserved