Diyaarad aan la aqoon cid iska leh ayaa habeenkii 2aad dul heehaabaysa magaalada Muqdisho, taasoo khal khal weyn ku abuurtay dadka ku dhaqan magaalada oo cabsi weyn ka muujiyeen ujeedada diyaaradaasi.

Diyaaradan ayaa xiliga danbe ee habeenkii waxa ay gaafa wareegtaa magaalada, lama garanayo halka ay kasoo duusha iyo cidda iska leh, balse waxa ay dadku hadal hayaan in diyaaradaasi ay leeyihiin ciidamada Mareykanka ee jooga xeebaha Soomaaliya, isla markaanaay kasoo duusho markab kuwada diyaaradaha xanbaara ah oo ku sugan biyaha Soomaaliya.

Guuxa diyaaradaasi ayaa ah mid aad u qeylo dheer, maadama diyaaradaasi jawi aad u hooseeya ay ku socoto, waxa ayna diyaaradaasi dhaq dhaqaaqyadeeda bilowdaa saqda dhexe, waxa ayna joojisaa salaada subaxa xiliga Muqdisho.

Cali xasan oo ka mid ah dadwaynaha ku dhaqan magaaladfa muqdisho ayaa shabakada RSTVonline u sheegay in duyuuradaan ay wal wal wayn ku abuurtay isla markaana ay habeenkii saqdii dhaxe la maqlayo guuxeeda oo ah meel aad u dhaw isagoona intaasi ku daray in guuxaani ay xabsi hor leh ku sii abuurayso dadwaynaha ku dhaqan magaalada muqdisho oo awalba la yaabanaa wax yaabaha ka dhacaya magaalada ee ku aadan dagaalada iyo hanjabaadaha ka soo kala yeeraya mas;uuliyiinta ku bahoobay isbahaysiga la magac baxay soo celinta nabada iyo la dagaalanka argagixisada iyo midowga maxaakiimta islaamiga ee magaalada muqdisho

Waa markii ugu horreysay oo lagu arko diyaarado dul heehaabayo magaalada Muqdisho, tan iyo markii ciidamadii kasocday qaramada midoobay ay ka baxeen dalka Soomaaliya sanadii 1993kii oo xiligaasi ay dagaalo ku dhex mareen iyaga iyo maleeshiyooyin dsaacad u ah allaha u naxariistee jan. maxamed Faarax caydiid.

Maxamed Cadde.
Xafiiska Muqdisho.
RSTV NEWSROOM

© RSTV 2006. All Rights Reserved