RSTV NEWS.Wasiirka difaaca ee Mareykanka ayaa booqasho kadis ah ku tagey Baqdaad.

Wasiirka difaaca ee Mareykanka ayaa booqasho kadis ah ku tagey Baqdaad.

Wassirka Gaashaandhiga ee Mareykanka Donald Rumsfeld ayaa booqasho aan la sii sheegin ku tagey waddanka Ciraaq. Mr. Rumsfeld waxaa uu wada hadal la yeelan doonaa Madaxda Cusub ee loo magacaabey Dowladda Ciraaq ee uu ugu horreeeyo Ra'iisal wasaaraha Dalkaasi Jawad al-Maliki. waxaa kale oo uu wadaxaajood la yeelan doonaa Taliyaha Ciidamada Mareykanka ee Jooga Ciraaq Jen.George Casey iyo saraakiisha Sare ee ciidamada isagoo waliba ka dhageysan doona horumarka laga gaarey dalka Ciraaq iyo hawlaha dib u dhiska Dowladda cusub ee laga dhisayo Magaalada Baqdaad.

Donald Rumsfeld waxaa kale oo inta uu joogo Ciraaq uu doonayaa inuu Xusuusiyo Dowladda Ciraaq inaan Ciidamada Mareykanku aaneyu waligood joogi doonin Ciraaq loona baahan yahay in la sii wado dhismaha Ciidamada Ciraaq si ay u hantaan nabad gelyada Ciraaq oo dhan.

Wasiirka gaashaandhigga ee Mareykanku waxaa uu ka amba baxey Magaalada Washington ka dib markii uu kulan gaar ah la Qaatey Madax sare oo ka tirsan Xisbiga Jamhuuriga ah ee talada haya.

RSTV NEWSROOM