44 sarkaal oo ka mid ah 154 sarkaal oo boolis ah oo 22-kii bishan April uu tababar ugu soo dhamaaday kuliyada tababarla ciidanka booliska ee Carmo ee duleedka magaalada Boosaaso ayaa maanta si diiran loogu soo dhaweeyay garoonka diyaaradaha ee magaalada Baydhabo oo xarunta dowlada federaalka kmg ah ee Soomaaliya .

Saraakiishan oo ahaa dufcadii ugu horreysay ee kasoo qalinjabisa kuliyada Carmi isla markaana soo gaarta magaaalda Baydhabo ayaa waxaa lagu keenay diyaarad qaas ah oo kasoo qaaday magaalada Boosaaso ee xarunta gobolka Bari .

Afhayeenka ciidamada booliska Soomaaliyeed gaashaanle sare Yuusuf Xuseen Cusmaan oo maanta saxaafada ugu warramayay magaalada baydhabo soo dhaweynta saraakiishaasi ka dib ayaa sheegay in saraakiishan ay yihiin dufcadii ugu horreysay ee kasoo ambabaxda deegaanka Carmo oo ka tirsan ciidanka dawladda fedaraalka, waxa xusay in ciidankan ay noqon doonaan ciidamada sugaya amniga magaalada Baydhabo ka dib markii magaaladaasi laga saaray maleeshiyaadkii hubeysnaa.

1-dii bishii December ee 2005-ta ayay ahayd markii ciidamadan tababar uga furmay kuliyada booliska Carmo ee magaalada Boosaaso waxaana la filayaa in dhawaan kuliyadaasi ay kasoo qalinjabiyaan labo fufcadood oo kale oo boolis ah.

Maxamed Cadde.
Xafiiska Muqdisho.
RSTV NEWSROOM