RSTV NEWS.Bisha Cas ee Sacuudiga iyo WHO oo ka wada hadlay sidii loo dardargelin lahaa ololaha kaalmada loogu fidinayo dadka Soomaaliyeed ee ay waxyeeleysay musiibadii Tsunami .

Bisha Cas ee Sacuudiga iyo WHO oo ka wada hadlay sidii loo dardargelin lahaa ololaha kaalmada loogu fidinayo dadka Soomaaliyeed ee ay waxyeeleysay musiibadii Tsunami .

U Qeybsanaha hay’adda caafimaadka aduunka ee WHO u qaabilsan wadanka Soomaaliya Ibrahim Beytul Maal oo kulan la yeeshay madaxa hay’ada bisha cas ee dalka Sacuudiga u qaabilsan geeska Afrika ayaa sheegay in labada hay’adood ay iska kaashadeen qalabeynta 4 cusbitaal oo ku yaalla deegaano kala duwan oo ka tirsan Soomaaliya, ayagoo sidoo kale ugu deeqay cusbitaaladaasi 4 gaari oo kuwa ambalaaska ah.

Masuuliyiinta Labada hay’adood ayaa ku heshiiyay in tawabaro loo furo shaqaalaha caafimaadka ee ka hawl gala cusbitaalada kuyaalla Soomaaliya si sare loogu qaado aqoonta shaqaalahaasi.

Hay'ada Bisha Cas ee Sacuudiga ayaa sheegtay in ay sii wadi doonto kaalmada ay u fidinayso dadka ku waxyeelloobay duufaantii Tsunami iyo waliba kuwa kale oo ay ku dhufteen abaaraha, ayadoo ballan qaaday in ay ka hirgali doonta Sooamaliya mashaariic wax loogu qabanayo dadkaasi.

Maxamed Cadde.
Xafiiska Muqdisho.
RSTV NEWSROOM