RSTV NEWS.Barre Hiiraale iyo saraakiil sar sare oo maamulkiisa ka tisran oo ka badbaaday isku day dil.

Barre Hiiraale iyo saraakiil sar sare oo maamulkiisa ka tisran oo ka badbaaday isku day dil.

Wasiirka dib u dhiska ee Dawlada Soomaaliya Col. Bare Aadan Shire(Hiiraale) oo ay la joogeen Col.Cabdi Cigaal Jaamac iyo Saraakiil kale ayaa xalay ka badbaaday isku day dil kadib markii lagu rasaaseeyey Goob ay kuwada sugnaayeen oo ku taala Magaalada kismaayo halkaasoo uu ku dhaawacmay hal nin oo ilaalada wasiirka ka mid ahaa.

Rasaastan ayaa waxaa soo furay maleyshiyooyin ku heyb ah Col.Cabdi Cigaal oo loo maleynayo iney gadoodsanaayeen,waxaa rasaastaasi ku dhaawacmay midkamid ilaalada Wasiirka oo isla xalay la dhigay cusbitaalka Magaaladaasi.

Goobta lagu rasaaseeyey wasiirka iyo Xubnaha la joogay ayaa aheyd dhismaha Xarunta idaacada Hornafric qeybteeda Kismaayo oo ay xiligaasi ku shirayeen,ninka ilaalada ahaa ee ku dhaawacmay weerarkaasi ayaa la dhigay cusbitaalka guud ee Kismaayo iyadoo Maleyshiyadii weerarka soo qaaday ay ku laabteen Xeradii ay kasoo duuleen oo aheyd Xaafada Guulwade ee Bartamaha magaalada.

Majiro wax war ah oo kusaabsan weerarkaasi oo kasoo baxay wasiirka iyo Saraakiisha kale ee lala weeraray inkastoo Saxafiyiin badani ay saakay raadinayeen mas,uuliyiinta isbaheysiga si ay uga hadlaan waxa dhaliyey in la weeraro goob uu ku sugnaa wasiirka.