RSTV NEWS.Barlamaanka Talyaaniga ayaa ku fashilmey inay doortaan Af-hayeen.

Barlamaanka Talyaaniga ayaa ku fashilmey inay doortaan Af-hayeen.

Sida ay ku waramayaan warbaahinta Talyaanigu waxaa goor dhaweyd lagu fashilmey in la doorto Af-hayeen cusub oo uu yeesho Barlamaanka Talyaanigu Markii ugu horreysey ee ay kulmaan intii ka dambeysey doorashooyinkii dhacey Toddobaadyo ka hor.

Jagada Af-hayeenimada oo ay ku tartamayeen laba Musharrax oo lagu kala magacaabo Franco Marini iyo Giulio Andreotti ayaa waxay noqotey inaan midkoodna ku guuleysanin codkii loo baahnaa, ka dib markii Franco Marini oo isagu ahaa ninka hoggaaminayey coodadka badan uu heley 161 waxaana ka dhimanaaa inuu ku guuleysto doorashadaas hal cod oo kaliya.

Musharraxa kale ee lagu magacaabo Giulio Andreotti waxaa uu heley 155 cod kaliya waxaana la filayaa in doorashadaasi la wadi doono ilaa iyo inta laga heli doono qofka hela 162 cod ama ka badan.

Romano Prodi oo isagu ah ra'iisal wasaaraha cusub ee Talyaaniga ayey arrinta dib u dhaca doorashadani ku tahay dhibaato iyadoo baryahanna muran uu ka jirey doorashooyinkii guud ee dalkaasi ka dhacey horraantii Bishan.

Fallis Abdikariin
Oslo,Norway
RSTV NEWSROOM