|
Caamir Muusa oo dalbaday in
gurmad deg deg ah loo fidiyo dadka abaartu ku heyso Soomaaliya.
Xoghaya guud ee Jaamacadda Carabta Caamir Muusa ayaa ugu baaqay dhamaan
dawladaha xubnaha ka ah jaamacada carabta iyo hay'adaha samafalka carbeed,
golayaasha wasaaradeed ee Carabta in kaalin muuqata ay ka ciyaaraan wax ka
qabashada xaaladaha bini aamanimo ee ka taagan dalka Soomaaliya.
Caamir Muuse oo kulan la yeeshay masuuliyiinta jaamaca ay u xil saartay
arrimaha Soomaaliya ayaa u xil saaray ururka dhaqaatiirta carabka in ay ka
la shaqeeyaan hay'ada islaamiga ee samafalka sidii ay gar gaar u gaarsiin
lahayd magaalada Baydhabo ee xarunta gobolka Bay.
Caamir Muusa waxa uu sidoo kale ugu baaqay Ururka Dhaqaatiirta Carabta in
ay si deg deg ah ugu diraan magaalada Baydhabo koox dhaqaatiir ah oo wax ka
qabata xaaladaha caafimaad ee magaalada Baydhabo.
Xoghayaha guud ee Jaamacada Carabta waxa uu codsaday in gar gaar la
gaarsiiyo dadka ku tabaalaysan gobollada ku yaalla xadka ay wadaagaan
Soomaaliya iyo Kenya.
Qeylo dhaanta kasoo yeedhtay Xoghayaha guud ee Jaamacada Carabta waxa ay
kusoo beegmaysaa xilli guddiga gurmadka abaaraha ee Soomaaliya weli uu wado
dadaallo gurmad deg deg ah lagu gaarsiinayo dadka ku tabaalasyan goobaha
abaaraha ay ka jiraan ee dalka Soomaaliya.
Maxamed Cadde.
Xafiiska Muqdisho.
© RSTV 2006. All Rights Reserved |
