Abaaro xoogan oo ku dhuftey waddamada ku yaalla Afrikada Bari

 Sida ay ku waramayaan dadka u shaqeeya Hay'adaha Qaramada midoobey iyo ururada ka shaqeeya Samafalku waxaa jira Abaaro baahsan oo ku dhuftey waddamada ku yaalla Afrikada Bari.

Abaarahaasi waddamada ay haleeleen oo ah Ethiopia,Somalia iyo Kenya ayaa laga soo sheegayaa in ay daku billabeen in ay u dhintaan macaluul iyo Nafaqo darro. Hay'adda Cuntada Adduunka ee WFP ayaa maalmo ka hor codsatey gargaar Lacageed oo dhan ilaa $40 Malyuun oo Dollar taasi oo ay isticmaali doonto in ay wax kaga qabato Dad 1 milyan oo ruux ah oo ay Abaartu ku habsatey dhinaca Koonfurta iyo Bariga Ethiopia.

Waddamada Soomaliya iyo Kenya ayaa waxaa soo foodsaartay Cunno yaraan taasi oo laga yaabo in dad badani ay u nuglaadaan in ay u dhintaan Cudurada ka dhasha nafaqa la'aanta.

Soomaaliya Gobolada Ku yaalla dhinaca Koonfureed sida Gedo, Bay, Bakool  iyo Jubada Dhexe ayaa ah Meelaha ugu daran ee Abaartu haleeshey.

Kenya waxaa laga soo sheegayaa inay tahay Gobolada ku yaalla Bariga iyo Waqooyiga  meelaha ay kajiraan Cunto yaraantu iyo biyaha oo gabaabsi maraya taasina waxey horseedi doontaa in dadka iyo xooluhuba ay u dhintaan Harraad iyo Nafaqo la'aan. Isku soo wada duuboo waxaa laga yaabaa in Abaarahaasi ay Sabab u noqdaan dhimashada  kumanaan Dad iyo Duunyaba leh oo ku dhaqan wadamada ku yaalla Bariga Aftika.

RSTV NEWS ROOM