Ra’iisal wasaaraha dalka Ethiopia, Meles Zenawi ayaa wadahadalo la qaaday ku xigeenka kaaliyaha xoghayaha arrimaha dibada Mareykanka ee arrimaha Afrika, Donald Yamamoto, isagoo Meles u gudbiyey mas’uulkaasi fariin uu ka siday madaxweynaha Soomaaliya.

Marka laga reebo danaha ka dhaxeeya Mareykanka iyo Ethiopia, waxa ay Meles iyo Yamamoto ka wada hadleen xaaladaha siyaasadeed ee ka jira geeska Afrika oo Soomaaliya ay ku taallo, sida laga soo xigtay wasaarada arimaha dibada Ethiopia.

Isagoo helay fariin uu soo diray madaxweynahga Soomaaliya oo uu soo gaarsiiyey wasiirka iskaashiga caalamiga DFS Abdirizaq Usman, ayaa Meles waxa uu sheegay in Ethiopia ay sii wadayso dadaalkeeda oo aan waxba kala hari doonin sidii loo xaqiijin lahaa in xasiloni iyo nabad waarata lagu soo dabaalo dalka Soomaaliya .

Waxa uu sheegay in Ethiopia ay ka go’an tahay in nabad ay ka dhaliso dalka Soomaaliya isagoo xusay in nabada Soomaaliya ay dan ugu jirto Ethiopia.

Ra’iisal wasaare Meles iyo ku xigeenka kaaliyaha xoghayaha arrimaha dibada Mareykanka Mr Yamamoto waxa ay sidoo kale isla faaqideen dadaalada ay sameeyeen Midowga Afrika iyo urur-goboleedka IGAD ee ay ku doonayaan in nabada waarta laga dhaliyo dalka Soomaaliya.

Wasiirka iskaashiag calamaiga ee DFS Abdirizaaq Cusmaan waxa uu kulan uu la qaaday madaxda Ethiopia ka dib uu saxaafda u sheegay in Ethiopia ay gacan mug leh ku leedahay arrimaha nabada iyo xasiloonida dalka Soomaaliya.

Ra’iisal wasaraaha Soomaaliya Cali Maxamed Geeddi ayaa sidoo kale isan fariin u diray ra’iisal wasaraha Ethiopia Meles Zanawi, isagoo fariintaasi ku sheegay in iskaashiga ka dhexeeya labada dowladood uu yahay mid sii socon doono.

muxyadiin cali jimcaalle jakuula

jakuula@hotmail.com

muqdisho somaliya