Dec.05,2005

Madaxweyne C/laahi Yuusuf oo ka ambabaxay Jowhar una Socdaaley Sucuudiga

Madaxweyne C/llaahi Yuusuf iyo Wafdi uu hogaaminayo oo uu ka mid yahay Wasiirka dib u heshiisiinta Sheekh Aadan ayaa maanta ka duulay Garoonka Jowhar , iyagoo gaaray Magaalada Nairobi oo uu uga sii gudbayaan Magaaladda Makka Almukarama ee dalka Boqortooyada sacuudi carabiya oo maalinta Arbacada ah uu ka furmayo Shir madaxeedka dalalka Islaamka .

Shirka dalalka Islaamka ayaa ka qeyb ah arimaha Soomaaliya , iyadoo la filayo inuu halkaasi hadal kooban ka jeediyo Madaxweyne C/llaahi Yuusuf oo ku matalaya Magaca Soomaaliya.

Shirka Hogaamiyaasha Islaamka ayaa waxaa shirgudoomin doona Boqorka dalka Sacuudiga C/lla Bin C/casiis , iyadoo daaha uu ka rogi doono Xoghayaha Guud ee Ururka Islaamka Akmalu-diin Ixsaan Ooglo.

Dhinaca kale maanta ayaa waxaa Magaaladda makka Almukarama ka furmay Shirka Wasiirada arimaha dibadda dalalka Islaamka oo uu Soomaaliya u matalayo C/llaahi Sheekh Ismaaciil Wasiirka arimaha dibadda dowladda FKMG ah ee Soomaaliya.



Muxudiin Cali Jimcaale Jakuula

Muqdisho

Jakuula@hotmail.com