Ciidamada maamulka gobolka Sh/hoose ee ku sugan magaalada Marka kana amar qaata Gudoomiyaha gobolkaasi Sheekh Yuusuf Indhacade ayaa lagu soo waramayaa in saakay gabi ahaanba xirteen dekedii magaalada Marka oo lagu dajinayay Markab Hay'adda WFP u rarnaa oo mucaawino sida.

Wararka laga helayo magaalada Marka ayaa waxa ay sheegayaan in ciidamo ka tirsan maamulka gobolka Sh/hoose ayaa la arkay saakay iyagoo isku gadaamay guud ahaan dekeda magaalada Marka oo Markab u raran hay'adda Care oo

Mucaawino laga dajinayay uu ku xirnaa.

Markabkaasi oo labadii cisho ee ugu dambeysay raashin laga dajinayay ayaa wararku waxa ay sheegayaan in labadaasi cesho ay iska jirtey dhibaatooyin ay la kulmayeen shaqaalaha markabkaasi dajinayay oo kaga imaanayay dhinaca ciidamada maamulka gobolka Sh/hoose.

Arintaan ayaa la sheegay in amarka uu bixiyay taliyaha saldhiga degmada Marka ninka lagu magacaabo Sanjabiil, inkastoo mar RSTV ay la xiriirtey uu ka gaabsaday arintaasi in uu wax faahfaagin ka bixiyo, isagoo sheegay in arintaasi aysan waxnba ka jirin isla markaana ciidamada aysan suurogal ka aheyn in dekedda ay qabsadaan.

Xabsiga magaalada Marka ayaa waxaa ku xiran Gudoomiyihii Gudiga doonleeyda ka howlgasha degmada Marka oo lagu magacaabo Ciise Jiniqow, iyadoo arintaasi ay ka dambeysay sida la sheegay in lagu yiri sidee bay doomaha u galeen saakay bada isla markaana ay howlo dajin ah uga bilaabeen Markabka, arintaasi oo uu ka jawaabi waayay darteed xabsiga loogu taxaabay Gudoomiyihii Gudiga Doonleeyda Jiniqow.

Arintaan oo soo if baxday saakay aroornimadii yaa dad badan oo ku nool degaankaasi waxa ay is weydiinayaan sababta keeni karta in markab u kireysan hay'ad in ciidamada maamulka gobolka Sh/hoose ay isku gadaamaan halkii laga dajinayay, iyadoo aan la sheegin wax canshuur ah oo maamulka uu ka doonayo maraakiibta ku soo xirata halkaasi.

14 kii sano ee la soo dhaafay ayaa amniga dekedda magaalada Marka waxaa mas'uul ka ahaa shirkadda iminka dajineysa markabkaan.

Dekedda magaalada Marka ayaa kal hore waxaa lagu afduubtey markab u kireynaa hay'adda WFP oo lagu magacaabo MV MIltzow oo Mucaawino ku dajinayay halkaasi, inkastoo wada xaajoodyo lala galay kooxihii heystay lagu sii daayay markabkaasi oo todobadkii la soo dhaafay gaaray dekedda magaalada Mombasa ee wadanka Kenya

MUXYADIIN CALI JIMCAALLE JAKUULA

JAKUULA@HOTMAIL.COM

MUQISHO SOMALIYA