Xuska maalinta caruurta Afrika ee 16-ka June xaflad lagu soo gaba gabeynayo ayaa waxaa lagu qabay Hotel Saxafi Two ee magaalada Muqdisho…

 Xafladan oo ay soo qaban qaabisay hey’adda UNICEF qeybteeda waxbarashada bartamaha iyo koonfurta Soomaaliya, ayaa waxaa ka soo qeyb galey mas’uuliyiin ka tirsan labadda gole ee dowladda, wakiilo ka kala socdey hey’addaha iyo Dalladaha waxbarashada gobolka Banaadir, ururada bulshada rayidka ah iyo marti sharaf kale oo lagu casuumey xaflada.

 Waxaana halkaas ka hadlaymasuuliyiin aad u fara badan, intooda badana waxay ay sheegeen dhibataada haysata xiligan Carruurta Soomaaliyeed, gaar ahaan kuwa ku jira xeryaha dadka soo bara kacey ee Muqdisho badan kooda ku yaalaan.

 

Madaxa qeybta waxbarashada bartamaha iyo koonfurta Soomaaliya ee hey’adda UNICEF Mrs Maryan Sheekh Xuseen Abkow ayaa sheegtay in waxbarasho la’aan ay heysato ku dhowaad afartan iyo sagaal kun “49,000” oo Carruur soomaaliyeed ah oo kuna jiraan xeryaha dadka soo barakacey ee ku dhaqan magaalada Muqdisho, waxayna sheegtay in loo baahan yahay in loo sameeyo barnaamij wacyi galin ah oo lagu fududeynayo iney helaan qaabka ugu sahlan ee wax loo bari karo Carruurtaani iyo in laga saacido dhinacyada Caafimaadka, Cuntada, Biyaha, Iwm.

 Waxaan Xafladaana ku sugnaa qaar ka mid ah labada gole ee dowlada FS ee kuna  sugan muqdisho, waxaana ka mid ahaa Wasiir ku xigeenka waxbarashada dowladda federaalka Soomaaliya Mukhtaar Maxamed Yuusuf.

 Ugu dambeyntiina xafladaas ay ku soo gaba gaboobday si heer sare ah.