Xubnaha labada gole oo ugu baaqay ururka midowga afrika inuu arimha Somalia faraha kala baxo.

 

Kulan maanta ay yeesheen xubnaha labada gole ee magaalada Muqdisho ku sugan kana dhacay hoteelka Saxafi ee magaalada Muqdisho ayaa waxa ay baaq ugu direen ururka midowga afrika oo ay sheegeen inuusan dhex dhexaad ka ahayn waxa ka dhex socda labada garab ee dowlada ee kala xarumaystay magaalooyinka Jowhar iyo Muqdisho.

 

Kulankan ka dhacay hoteelka Saxafi ee magaalada Muqdisho ayaa waxaa shir gudoominayay ku simaha gudoomiyaha labaad ee golaha barlamanka Somalia Cumar Xaashi Aadan,waxaana ka qeyb galay dhamaan xildhibaanada iyo wasiirada fadhigoodu yahay magaalada Muqdisho marka laga reebo wasiirada howlaha guud iyo guryeynta ,arimaha gudaha iyo amniga qaranka.

 

Kulankan ayaa ahaa kulamadii caadiga ahaa ee xubnaha labada gole ee Muqdisho ay yeelan jireen sabti kasta kagana hadli jireen arimaha markaa uu wadanka ku sugan yahay laakiin kulankii maanta ayaa kaa waxa uu kaga duwanaa arinta looga doodayay oo ahayd mid aad xassaasi u ah oo taabanaysa urur soomaalida si weyn uga soo gacan siiyey soo dhisashada dowlad KMG ah .

 

Xubnihii ka qeyb galay kulankan oo gaarayay tiro ahaan 71 xildhibaan iyo wasiiro isugu jira ayaa waxa ay si weyn uga doodeen waxa ay ka yeelayaan arintan uu midowga afrika ku dhaqaaqay .

 

Xubnihii kulanka yeeshay ayaa isku raacay in ay baaq u diraan marka hore ururka si lo arko tallaabada uu ururku qaado ama uu ka bixiyo baaqooda.

 

wasiiru dowlaha xafiiska ra'isulwasaaraha oo gabagabadii kulankaasi hadal gaaban siiyey Rochester Somali TV ayaa sheegay in kulankooda maanta ay kasoo saareen baaq ah in midowga afrika uu faraha kala baxo arinta wadanka Somalia maadaamad aanu awoodin inuu dhex dhexaad ka noqdo oo uu u wada sinaado garabyada dowlada KMG ahi ay u qeybsantay.

 

C/qadir Dhaqane o ah wasiiru dowlaha xafiisk ra'isulwasaaraha ayaa sheegay in midowga afrika uu qaaday tallaabo xubnaha labada gole aanay ka filaynin.

 

Wasiirka amniga qaranka oo maanta dib ugu soo laabtay magaalada Muqdisho.

 

Wasiirka amniga qaranka Maxamed Qanyare afrax oo todobaadyadii lasoo dhaafay ku sugnaa magaalada nairobi ee wadanka Kenya ayaa maanta dib ugu soo laabtay magaalada Muqdisho ee xarunta wadanka Somalia .

 

Qanyare ayaa dayaaradii siday waxa ay kasoo dagtay garoonka dayaaradaha demada Dayniile ee magaalada Muqdisho halkaasii xarun u ah wasiirka amniga qaranka .

 

Wasiirka ayaa waxa socdaalkiisa ku wehliyay wafdi ka tirsan xubnaha labada gole ee magaalada Muqdishgo ku sugan o markii hore ay iskala ambabaxeen magaalada.

 

Wasiirka amniga qaranka ayaa diiday in uu saxaafada la hadlo isagoo sheegay in haatan aanu hadlin laakiin uuu waqtiyada soo socda shir jaraa'id ku qaban doono xaruntiisa magaalada Muqdisho .

 

Maxamed qanyare ayaa todobaadyo waxa uu socdaal ku joogay magaalada nairobi ee wdanka kenya halkaasoo ay isku soo arkeen gudoomiyaha barlamanka Somalia Shariif xasan Shekh Aadan iyo raisulwasaaraha xukuumada federaalka KMG ah ee Somalia Cali Maxamed Geedi.

 

Maxamed qanyare ayaa la filayaa marka uu saxaafada hadalka siinayo inuu k hadlo arinta ku saabsan ciidamada Puntland ee todobaadkii lasoo dhaafay soo gaaray magaalada Jowhar iyagoo ka yimid magaalada Mustaxiil ee wdanka Ithiopia.

 

Wasiirka amniga qaranka ayaa intii ku sugnaa waxa ay wadahadalo qarsoodi ahi dhex mareen ra'isulwasaaraha xukuumada KMG ah ee Somalia oo uu ka dhexeeyo khilaaf xoogan.

 

Maxamed Cumar Sheekh.

Rochester Somali Tv ,Muqdisho.

Mcadde@rstvonline.com.