Kulan xasaasi ah ayaa maanta lagu wadaa inay yeeshaan xubnaha Labada Gole ee ku sugan magaalada Muqdisho ee caasimadda dalka Soomaaliya,iyadoo kulankan ka dhici doono Hotelka Saxafi ee Magaalada Muqdisho, halkaas oo ay deganyihiin

Inta badan kulankan waxaa looga doodayaa xaalada Soomaaliya gaar ahaan ciidamada dhawaan la keenay magaalada Jowhar kuwaas oo shalay tababar loo furay, sidoo kale waxaa looga hadlayaa kulankan warbixin ay soo gudbiyeen Muuse Suudi Wasiirka Ganacsiga iyo Guddi uu madax u ahaa, kuwaas oo sida la sheegay soo diyaariyeen qaab dhismeedka Maamul uu yeesho Gobolka Banaadir.

Xubnaha Labada Gole ee dowladda Federaalka Soomaaliya ayaa waxay ku howlan yihiin dhismaha Maamul Goboleed uu yeesho Gobolka Banaadir, xilli Banaadir uu leeyahay Maamul uu soo magacabay Ra’iisal Wasaaraha Soomaaliya Cali Maxamed GeedI.