Xubnaha labada Gole oo Maanta ka hadlay Qodobo badan,

Kal fadhi ay yeesheen Xubnaha labada Gole ee ku magaalada muqdisho oo ka dhacay Hoteel Saxafi ee magaalada Muqdisho ayaa ay uga hadleen qodobo ay ka mid yihiin Dib u heshiisiinta labad Gole ee Muqdisho iyo Jowhar waxa laga yeelaayo Ciidamo Etoobyaan ah oo ay sheegeen inay howlgalo kawdaan Qaybo kamida Gobolka Hiiraan,

Kulankaan oo uu shirgudoominayay Gudoomiyaha Baarlamanka FS Shariif Xasan Sheekh Aadan isla markaana albaabada ay u xirnaayeen ayaa waxaa gabagabadii saxaafadda uga warbixiyay waxyaabihii kulankaasi looga hadlay Wasiiru dowlaha xafiiska Ra'isulwasaaraha Cabdulqaadir Xaaji Max'uud Dhaqane oo sheegay in shirkaasi looga hadlay qodobo dhowr ah

Waxaana kamida ayuu yiri wasiira dowlaha DFS dib u heshiisiinta ee talaadadii la soo dhaafay ay ansixiyeen xubnaha DFS Muqdisho oo aheyd in wada hadal gudaha ah ay la galaan garabka Jowhar ee dowladda FS, waxa uuna sheegay in ay ka war sugayaan xubnaha Jowhar ee dowladda FS, oo iyagu ku baaqay in ay sugayaan Ra'isulwasaaraha dowladda FS ka dibma warcad ay ka soo saarayaan arintaasi.

Waxaa kale oo uu sheegay in kulankaasi looga hadlay ciidamo Ethiopian ah oo uu sheegay in xad gudubyo ka geeysteen tuulada Bacaad oo 25 km u jirta magaalada B/weyne, taasi oo uu sheegay in dad Soomaaliyeed ay ka qafaasheen halkaasi, iisagoo sheegay in arintaasi ay tahay tacadi lagula kacayo umada Soomaaliyeed.

Xubnaha labada gole ee dowladda FS ayaa sidoo kale waxa ay ka hadleen arin ay dhowaan soo bandhigeen xildhibaano ka tirsan BFS oo aheyd in Ra'isulwasaare Geedi oo sheegay in dowladiisu ay aqoonsi siineyso Somaliland hadii caalamka ay ka hesho aqoonsi buuxda oo ay ku tilmaameen in ay tahay arin sharci darro ah isla markaana Ra'isulwasaaruhu aanu dhiibi karin aqoonsi, waxaana ay sheegeen in ay u xilsaareen arintaasi gudi ka kooban 5 xubnood oo ka soo baaraandaga arimaha uu ku dhawaaqay Ra'isulwasaaraha, iyadoo gudigaasi uu war ka soo saaro doono amuurtaasi maalmaha soo socda

Wasiiru dowlaha xafiiska Ra'isulwasaaraha Cabdulqaadir Dhaqane waxaa kale uu sheegay in kulankooda ay uga hadleen arinta maamul u sameynta gobolka Banadir oo uu sheegay in golayaashii dhowaan loo sameeyay maamulka gobolka Banadir ay beeluhu ilaa iyo iminka ay soo gudbiyeen ilaa 33 xubnood isla markaana la soo dhameystiri doono maalinta talaadada ee soo socota.

Muxyadiin Cali jimcaalle jakuula

jakuula@hotmail.com

Muqdisho Somaliya