Xubnaha labada gole ee dowladda FS Jowhar ayaa waxa ay sheegeen in aysan aqbaleyn qoraal la'aan tanaasulka ay sameyeen xubnaha labada gole ee Muqdisho.

Kulan ay maanta isugu yimaadeen magalaada Jowhar xubnaha labada gole ee halkaasi ku sugan ayaa waxaa ay kaga hadleen war dhowaan ay soo saareen xubnaha ku sugan Muqdisho oo ahaa in ay ka tanasuleen mowqifkoodii.

Wasiiru dowlaha W/warfaafinta dowladda FS Ibraahim max'ed Deeq oo kulankaasi ka dib saxaafadda la hadlay ayaa waxa uu sheegay in aysan jirin wax cadeynaya xubnaha Muqdisho in ay ka tanasauleen mowqifkoodii ahaa in la qabto shir dib u heshiisiin oo beesha caalamka ay goobjoog tahay isla markaana ay ka maqleen hadaladaasi saxaafadda.

Waxa uu sheegay in ay ka doonayaan xubnaha Muqdisho in qoraal ahaan ay ku soo gudbiyaan tanasulkooda si ay u noqoto arin meel marta, waxa uuna sheegay in kulankoodii maanta ay go'aamiyeen in inta ay ka helayaan qoraal rasmi ah aysan jawaab ka bixin doonin hadalkaasi ka soo yeeray Xubnaha Muqdisho ee dowladda FS.

Xubnaha dowladda FS ee ku sugan magaalada Muqdisho ayaa labio maalin ka hor war ay saxaafadda siiyeen waxa ay ku sheegeen in ay ka tanasuleen go'aankoodii, inkastoo kulankaasi ay ka soo saareen go'aankaasi ay ka maqnaayeen wasiiro ka tirsan dowladda FS

Muxyadiin Cali jimcaalle jakuula

jakuula@hotmail.com

Muqdisho Somaliya