Xubnaha Wasiirada Garabka Muqdisho ee dowladda FS kulan ay maanta ku yeesheen Hotel Saxafi ee magaalada Muqdisho ayay ka soo saareen qodobo ay ka mid yihiin in aaney wax kulan ah la yeelan doonin Ra'isulwasaare Geedi oo oo shalay soo gaara magaalada Muqdisho isla markaana sheegay in uu diyaar u yahay in kulamo uu la qaato golihiisa xukuumada ee ku sugan magaalaada Muqdisho.

Kulankaan oo ka duwanaa kulamadii hore ay isugu imaanayeen Hotelka Saxafi xubnaha labada gole ee dowladda ayaa ahaa kan mid u gaar ah golaha wasiirada garabka Muqdisho, iyadoo ay ka soo qeybgaleen ku dhowaad 12 oo isugu jira wasiiro iyo wasiiro K/xigeeno, waxaana ugu ugu horeyn ay cambaareeyeen qaraxii shalay lala beegsaday mid ka mid ah kolonyo gaadiid ah oo galbineysay Ra'isulwasaare Geedi.

Wasiirka hidaha iyo dhaqanka dowladda FS Cabdi Xaashi C/laahi oo saxaafadda la hadlay kulankaasi ka dib ayaa waxa uu sheegay in aysan marnaba ka qeybgali doonin kulanka uu ku baaqay Ra'isulwasaare Geedi oo ka dhacaya Muqdisho, oo uu sabab uga dhigay khilaafka ka jira labada gole oo wali taagan, ayna yihiin labo koox oo Muqdisho iyo Jowar ah, isagoo tilmaamay in aysan waxba u arag qeybo shiray in ay wax keenayaan, waxa uuna sheegay in xalka uu ku jiro in la wada hadlo, isagoo xusay in Q.M ay wada hadaladaasi goob joog ka noqoto,

Kulankii maanta ay yeesheen xubnaha wasiirada Garabka Muqdisho ayaa waxaa shir gudoon KMG ah loogu doortay Wasiirka ganacsiga dowladda FS Xaaji Muuse Suudi Yalaxow, iyadoo kulankaasi lagu cambaareeyay cidii ka dambeysay qaraxii lagu weeraray wafdigii uu hogaaminayay Ra'isulwasaare Geedi oo shalay soo gaaray magaalada Muqdisho.

muxyadiin cali jimcaalle jakuula

jakula@hotmail.com

muqsdisho somakiya