Shir ay maanta ku yeesheen Hotelka Saxafi ee magaalada Muqdisho xubnaha Labada Gole eek u sugan xamar ayaa laga soo saaray go’aan lagu sheegay in Xildhibaannada Ansaxiixeen Xeerka KMG ah ee Maamulka Cusub uu yeelan doono Gobolka Banaadir.

Xeerka KMG Maamul u sameynta Gobolka Banaadir oo ka kooban 29-Qodob,iyadoo xeerkan loo kaashaday sida la sheegay Sharci yaqaano Caalami ah.

Qeybta koowaad ee xeerkan ayaa waxaa ku qoran in Gobolka Banaadir uu yeelan doono Gole Baarlamaan oo ka kooban 64 Xubnood, sidoo kale waxaa uu leeyahay qodobkan ama uu faahfaahin ka bixinayaa qaabka loo soo dooranayo Xildhibaannada.

Qeybta labaaad xeerkan ayaa waxaa uu sheegaya qaabka loo dooranayo Guddoomiyaha baarlamaanka Gobolka banaadir iyo kuxigeenadiisa, iyadoo qeybta 3-aad ayaa isna waxaa uu leeyahay Gobolka waxaa uu yeelanaya Xeer ilaaliyo, Maxkamad madax banana,Xisaabiyo Guud.

Fadhigii maanta ayaa waxaa ka qeybgalay ilaa iyo 57 Xildhibaan sida uu sheegay Xildhibaan Cumar Xaashi Aadan oo markii uu kulanka dhamaaday la hadlayay Saxaafadda.

Talaabadan ay maanta xubnaha baarlamanka Muqdisho ku ansaxiyeen Heerka maamulka Gobolka banaadir ayaa ah talabadii ugu horeysay ee ay dhinaca maamulka gobolka u qadaan tan iyo markii ay dalka dib ugu soo noqdeen iyadoo magaalada muqdishana uu ku sugan yahay Gudoomiyihii iyo duqii uu magacaabay Raii’sal wasaare cali Maxamed geedi.

Gudiga soo dajiyay xeerka maamulka Gobolka banaadir ayaa ka mid Prof Maxamed Faarax Jimcaalle,Dr Xuseen Xaaji Bood iyo aqoon yahano kale sida ay sheegayan wararka.

Muxyadiin cali jimcaale jakuula

jkuula@hotmail.com

Muqdisho somaliya