Sheekh Xasan Daahir Aweys, Ayaa shaaca ka qaaday inuu abaabulayo Dawlad Islaamiya oo gaadha Caalamka oo dhan.

Wariye ka tirsan Chanel 4 oo ka mid ah TVyada dalka Uk, oo booqasho ku tagay dalka Soomaaliya ayaa waxa uu la kulmay masuuliyiin kala gadisan oo uu ka mid yahay Madaxwaynaha DFKS Abdilaahi Yuusuf , Raysal wasaare ku xigeenka ahna Wasiirka Arimaha gudaha Xussen Caydiid iyo sheekh Xasan Daahir.Aweys. Suxifigan oo kula kala kulamay siyaasiyiintan Magaalooyinka Muqdhisho Iyo Jowhar. Isaga oo la yeeshay masuuliyiintan wareesiyo kala gadisan oo taabanaya dhinacyo badan, una badnaa dhinaca Amniga, Argagixisada iyo taageerda caalamiga ah ee Soomaaliya u baahan tahay. Hadaba mar uu lakulmay sheikh Xasan Aweys, ayuu waxa uu waydiiyay shaqsiyan mowqifkiisa ku aadan xaga nabada. Wuxuuna sheekhu u sheegay in colaadu keento nabada, taasina tahay lagama maarmaan.Sheekh Aweys oo isagu ah hogaamiye ka mid ah hoogaamiyaasha ciidamada maxkamadaha Islaamiga ah, oo iyagu ka mid ah maleeeshiyaadka ugu xooga wayn maagaalada Muqdisho, intii uu socday waraysiga uu bixiyay sheequ ayaa la waydiiyay qorshihiisa Siyaasadeed ee mustaqbalka dhow iyo fog.

Wuxuuna Daahir Aweys shaaca ka qaaday in uu Abaabulayo dawlad islaamiya oo uu ka bilaabayo dalka soomaaliya. Uuna u gudbindoono Bariga Afrika. Isaga oo ku faafindoona Dunida oo dhan.Xitaa marka lagu daro dalalka Reer Galbeedka in uu gaadhsiin doono xukunkiisa. Hadalada ka soo yeeray sheikh Daahir wax jawaab ah kama aysan soo saaaririn Madaxda reer Galbeedka  iyo kuwa Afrikada bariba, balse waxa jirtay in uu Sheekh Daahir aweys uu ku jiro liiska magacyda argagixisada ee uu Mareykanku sida weyn u raadinayo iyada oo lagu eedeeyay in ururka uu madaxda ka yahay ee Al Itixaad uu xiriir wada shaqeen iyo taagero la leeyahay ururka Al-qaacida. Oo ah urur uu Madax wayne Bush iyo reer galbeedku guud ahaan ay kula jiraan dagaal aad u ba'an oo ay ku dabar goynayaan Dhamaanba dhaq dhaqaaqa ururka Al Qaacida.

Abdifatah Mahamed Abdirur

RSTV Minnesota