Xaalad ammaan daro oo ka jirta wadada isku xirta Afgooye iyo Wanlaweyn

Waxaa si aad ah looga deyrinaytaa xaaladda ammaan ee wadada isku xirta degmooyinka Wanlaweyn iyo Afgooyer ee gobalka shabeelaha hoose,taasoo la sheegay in ay gaartay heer aad uxun oo wali aan horay loo arag.

Halka ammaandarrada ugu khatarsani ay ka jirto ayaa ah deegaanka loo yaqaano Warmaxan oo ay si aad ah ugu soo bateen kooxo maliishiyooyin ah oo dhac iyo mararka qaar dil ugeysta dadweynaha waddadaa ku safra. Lama garanayao waxa sabab u ah in xilligan dhibaatada noocan ahi ay sookorodho wadadnoo lagu tilmaami jiray midda ugu wanaagsan xagga ammaanka marka la eego dhammaanba wadooyinka kale ee gobalka  Shabeelahah hoose.

Maliishiyoyinkan oo sida la sheegay aan cidna ka ammar qaadan ayaa wararku sheegayaanin gaadiidka ay wadad ka weeciyaan oo dabadeetana ay baarasho kula dhaqaaqaan dadka safarka ah ee gawaarida la socda .

 Labadii maalmood ee tagay ayay waraku sheegayaan in ilaa iyuo 4 ruux loo geystay dgaawacyo aad halis u ah,halka  in ka badan 4 gaadiid ah dhac loogu geystay wadada isku xirta Afgooye iyo Wanlaweyn,gawaaridaasoo kii ugu danbeyay la dhacay shalay gellinkii danbe.

 Arrintan ammandarrida ah ayaa cabsi aad udaran ku abuurtay dadweynaha wadadaa adeegsada gaar ahaana dadaka xoolo dhaqatada ah oo  maalin kasta caanaha usoo safriya degmada Afgooye,iyadoo ilaa iyo iminkana aaney muuqanin cid isu taagtqay wax ka qabashada xaaladda ammaandarro ee soo korodhay.

Mid ka mida wadayaasha gaadiidka wadadaa adeegsada oo ka gaabsaday magaciisa cabsi dhinaca ammaanka ah awgeedayaa sheegay in dhibaatada halkaa ka jirta ay tahay mid aad uga weyn inta la maleynayo,isagoo ka dhawaajiyay in maraca qaar ay dhacdo in maliishiyooyinku ay rasaas isaga furan gaariga iyadooba aaney la hadlin,taasina ay keento dhimasho iyo dhaawacyo soo gaara dadka rakaabka ah.

 Wadahan gaari ee magaciisa ka gaabsanaya ayaa maamulka gobalka shabeelaha hoose iyo xubnaha dowladda ee reer Muqdisho waxaa uu ka dalbanayaa in in ay isu taagaan arrintaa halista leh in ay si degdeg ah wax uga qabtaan.

Sarkaal ka tirsan he’adda Geneva Call oo socdaal ku maraya goballada Jubbooyinka

 Masuul sare oo ka tirsan he’adda la yiraahdo Geneva call oo ah he’ad qaabilsan dhinaca wacyi gelinta miinooyinka aya shalay gellinkii danbe soo gaaray magaalada Kismaanyo ee xarunta gobalka Jubbada hoose.

Sarkaalkan oo lagu magacabo C/casiis Cabdi Xuseen oo isla markaana ah gaashaanle ka tirsan dowladda Kenya  oo saxaafadda kula hadlay magaalada Kismaanyo ayaa ujeedada socdaalkiisa ku tilmaamay mid uu ugu kuur galayo balqaabka loo dhaqangeliyay heshiskii  he’adda JVA-du ay ku saxiixday magaalada Nairobi ee dalka Kenya bishii Jannaayo ee sanadkan.

 Heshiiakaa ayaa ku saabsanaa in JVA-du aaney isticmaalin gelinta soo sarista iyo waliba ka ganacsiga miinooyinka oo dhibaato aad u daran ku haya caalamka gaar ahaanna wadammada ay dagaalladu ka jiraan oo Soomaaliayana ay ka mid tahay.

Sarkaalkan ayaa xalayba kulamo kala duwan la yeeshay qeybaha kaladuwan ee bulashada rayidka eek u nool magaalada kismaanyo,iyadoo maantana uu sii waday kulammada uu laleeyahay masuuliyiinta Isbahaysiga Dooxada Jubba .

 Ururrada bulshada rayidka ayuu  gaashaanle C/casiis ka codsaday in ay siiyaan wixii xog ah oo ay ka hayaan dhibaatada miinooyinku ay u geysteen goballada Jubbooyinka,isagoo sheegay in inta uu  joogo magaalada Kismaanyo uu  la shaqeyndoono uqeybsanah Isbahaysiga dooxada Jubba ugu qaabilsan la shaqynta kooxaha samafalka oo lagu magacaabo Cabdi Cartan Aaden.

 Sarkaalkan ayaa soo maray goballada Puntland,Somaliland,Gedo Bay iyo Bakool,iyadoo socdaalkiisana uu ku soo gabagabeyndoono gobalka Galgaduud ee bartamaha  dalka  Soomaaliya .