Wafdi ka socda hay’ada caafimaadka aduunka ee WHO iyo UNICEF oo ku sugan magaalada Muqdisho  ,  ayaa maanta waxay booqdeen goobo kuyaala dagmoyinka Bondhere, iyo shangaani oo haatan uu ka soconayo talaalka ka hortaga cudurka dabaysha.

Wafdigan ka socda hay’adaha caafimaadka aduunka ee WHO, iyo UNICEF ayaa ujeeda safarkooda Muqdisho lagu sheegay in ay tahay xaqiijinta hamsami usocodka iyo xoojinta hawlaha talaalka cudurka dabaysha oo haataan markale talaalkiisa laga bilaabay dalka Soomaaliya, sida uu RSTV u sheegay Dr. Maxamed Maxamuud Fuje madaxa xafiiska hay’ada caafimaadka aduunka ee WHO ee magaalada Muqdisho.

Cudurka dabaysha ayaa horay hay’ada WHO. iyo masuuliyiinta caafimaadka ee Soomaalida waxay shegeen in dhamaanba laga waayey cunug uu hayo ducurka dabaysha dalka Soomaaliya bishii oktobar sanadii 2002-da.

Hase yeeshee horaantii bishan ayaa hadana waxaa markale la shaciyey in cudurkii dabaysha laga helay caruur uu hayo dalka Soomaaliya gaar ahaan magaalada Muqdisho.

Talaalkan ka hortaga cudurka dabaysha oo ka bilowday magaalada Muqdisho maalintii shalay ahayd ayaa waxaa lagaarsiinayaa dhamaan gobolada dalka Soomaaliya ayadoo cunigii horay loo siiyey talaalka ka hortaga cuduka dabayshana markale la siinayo talaalka ka hortaga cudurka dabaysha ayadoo talaalkuna uu yahay mid lacag la’aan ah oo hawlwadeenada caafimaadka qaarkood ay guryaha ugu gaynayaan qoysaska leh cauuraha ay da doodu ka yartahay shano jirka ah

Muxudiin Cali Jimcale Jakula

Jakula@hotmail.com

Muqdisho Somalia